మిడిల్ క్లాస్ నుంచి రైతుల వరకు... ఈసారి మోడీ ప్రభుత్వం బడ్జెట్‌లో గుడ్ న్యూస్ ఇవ్వనుందా..

ఫిబ్రవరి 1న కేంద్ర మంత్రి సీతారామన్ ప్రధానమంత్రి నరేంద్ర మోడీ నాయకత్వంలో మూడవసారి పూర్తి బడ్జెట్‌ను ఆర్థిక మంత్రిగా ఎనిమిదో బడ్జెట్‌ను ప్రవేశపెట్టనున్నారు. అయితే బడ్జెట్ 2025పై రైతుల, మహిళలు, యువతకి ఉపాధి వరకు అంచనాలు భారీగా పెరిగాయి.

బడ్జెట్‌లో భారీ ప్రకటనలు
వివిధ నివేదికల ప్రకారం, ఆదాయపు పన్ను మినహాయింపు నుండి PM కిసాన్ సమ్మాన్ నిధి యోజన మొత్తాన్ని పెంచడం వరకు బడ్జెట్‌లో అంచనాలు ఉన్నాయి. వీటిలో సామాన్యులకు సాధ్యమయ్యే 10 పెద్ద ప్రకటనలు ఏంటో తెలుసుకుందాం...

ఆదాయపు పన్ను
1. ఈసారి బడ్జెట్‌లో కొత్త పన్ను విధానంలో రూ. 10 లక్షల వరకు వార్షిక ఆదాయాన్ని పన్ను రహితం చేయవచ్చని ప్రభుత్వ వర్గాలను ఉటంకిస్తూ ఆదాయపు పన్నులో మినహాయింపు పొందే అవకాశం ఉండొచ్చు. అంతే కాకుండా రూ.15 లక్షల నుంచి రూ. 20 లక్షల మధ్య వార్షిక ఆదాయానికి కొత్తగా 25% పన్ను శ్లాబ్‌ను ప్రవేశపెట్టే యోచన ఉంది.

పీఎం కిసాన్ యోజన
2. PM కిసాన్ యోజన కింద, అర్హత కలిగిన రైతులకు సంవత్సరానికి రూ.6,000 ట్రాన్స్ఫర్ చేయబడుతుంది. BofA నివేదిక ప్రకారం, PM కిసాన్ యోజన మొత్తం కూడా బడ్జెట్‌లో పెరగవచ్చు. రైతులకు అందజేసే సాయాన్ని ఏటా రూ.12,00లకు పెంచవచ్చని వార్తలు వస్తున్నాయి.

కిసాన్ క్రెడిట్ కార్డ్
3. రాబోయే బడ్జెట్ 2025-26లో రైతులకు ఒక బహుమతి అందజేయవచ్చు. ఏంటంటే కిసాన్ క్రెడిట్ కార్డ్ (కేసీసీ)పై లోన్ పరిమితిని రూ.5 లక్షలకు పెంచేందుకు ప్రభుత్వం సన్నాహాలు చేస్తోంది. ప్రస్తుతం, కిసాన్ క్రెడిట్ కార్డ్ (బడ్జెట్ 2025) పథకం కింద గరిష్ట లోన్ పరిమితి రూ.3 లక్షలు.

స్టాండర్డ్ డిడక్షన్
4. పాత ఇంకా కొత్త పన్ను వ్యవస్థల కింద స్టాండర్డ్ డిడక్షన్ గురించి 2025-26 యూనియన్ బడ్జెట్‌లో నిర్ణయం తీసుకోవచ్చు. వాస్తవానికి, పెరుగుతున్న ద్రవ్యోల్బణం నుండి ఉపశమనం అందించడానికి అలాగే పన్ను చెల్లింపుదారులు మరింత ఆదాయాన్ని పొందేందుకు వీలుగా, కొత్త ఇంకా పాత ఆదాయపు పన్ను విధానాలలో స్టాండర్డ్ డిడక్షన్ స్థాయిని పెంచాల్సిన అవసరం ఉందని విశ్లేషకులు వాపోతున్నారు.

భీమా రంగం
5. బీమా రంగ అంచనాలు రాబోయే బడ్జెట్‌లో బీమా ఇంకా ఆరోగ్య సంరక్షణ రంగాలకు రాయితీలతో సహా ఎన్నో పన్ను ప్రయోజనాలను అందించాలని బీమా కంపెనీలు భావిస్తున్నాయి. SBI జనరల్ ఇన్సూరెన్స్ మేనేజింగ్ డైరెక్టర్ (MD) అండ్ చీఫ్ ఎగ్జిక్యూటివ్ ఆఫీసర్ (CEO) నవీన్ చంద్ర ఝా మాట్లాడుతూ 2047 నాటికి 'అందరికీ బీమా' లక్ష్యాన్ని చేరుకోవడానికి 'బీమా సుగం' వంటి కార్యక్రమాలకు నియంత్రణ అలాగే ఆర్థిక మద్దతు అవసరమని అన్నారు.

గృహనిర్మాణ పథకం
6. ఈసారి ఇంటి కొనుగోలుదారులు ఉపశమనం పొందవచ్చు బడ్జెట్‌లో చౌకగా గృహాల కొనుగోలును ప్రభుత్వం ప్రోత్సహిస్తుంది. ప్రస్తుతం రూ.35 లక్షల వరకు ఖరీదు చేసే ఇళ్ల కొనుగోలు కోసం తీసుకున్న రుణాలపై వడ్డీ రేట్లను ప్రభుత్వం రాయితీగా ఇస్తోంది. బడ్జెట్‌లో రూ.35 లక్షల పరిమితిని రూ.50 లక్షలకు పెంచవచ్చు.

NPS సబ్‌స్క్రైబర్
7. NPS సబ్‌స్క్రైబర్‌లకు గుడ్ న్యూస్ ఉండవచ్చు, NPSని మరింత ఆకర్షణీయంగా మార్చడానికి 2025 బడ్జెట్‌లో కొన్ని మార్పులు చేయవచ్చు. దీనికి సంబంధించి ప్రకటన వెలువడే అవకాశం ఉంది. కొన్ని మీడియా నివేదికల ప్రకారం, ప్రభుత్వం NPSలో కొన్ని సంస్కరణలు చేయవచ్చు, తద్వారా పెట్టుబడిదారులు మరింత ప్రయోజనం పొందవచ్చు.

సీనియర్ సిటిజన్లు
8. సీనియర్ సిటిజన్‌లు 2025 బడ్జెట్‌లో, సీనియర్ సిటిజన్‌లకు ఆరోగ్య బీమా ప్రీమియం పరిమితిని రూ. 1 లక్షకు పెంచవచ్చు. అలాగే ఇతర వ్యక్తులకు ఆరోగ్య బీమా ప్రీమియం పరిమితిని రూ. 50,000 వరకు పెంచవచ్చు.

LTCGపై ప్రకటన
9. బడ్జెట్‌లో లాంగ్ టర్మ్ క్యాపిటల్ గెయిన్స్ (LTCG) పన్ను ఫ్రేమ్‌వర్క్‌లో కొన్ని సవరణలు చేయాలని స్టాక్ మార్కెట్లు భావిస్తున్నాయి. నిర్మలా సీతారామన్ గత సంవత్సరం లాంగ్ టర్మ్ క్యాపిటల్ గెయిన్స్ టాక్స్ నుండి ఇండెక్సేషన్ ప్రయోజనాలను తొలగించిన సంగతి మీకు తెలిసిందే.

చిన్న పొదుపు పథకం
10. కేంద్ర బడ్జెట్ 2025లో చిన్న పొదుపు పథకాలపై ప్రకటన ఉండవచ్చు. పబ్లిక్ ప్రావిడెంట్ ఫండ్ (PPF), నేషనల్ సేవింగ్స్ సర్టిఫికేట్ (NSC), సుకన్య సమృద్ధి యోజన (SSY) వంటి ప్రముఖ చిన్న పొదుపు పథకాలపై ప్రభావం పడుతుందని విశ్లేషకులు భావిస్తున్నారు. పన్ను విధానాలు అలాగే వడ్డీ రేట్లలో మార్పులు ఈ అంచనా ప్రభావాల వెనుక కారకాలుగా పరిగణించబడతాయి.