భారతీయుల లాకర్లలో ఉన్న $3 ట్రిలియన్ బంగారం... స్మార్ట్‌గా వాడితే ఆర్థిక వ్యవస్థకు ఎంత లాభామో తెలుసా?

భారతీయ ఇళ్లలో ఉన్న బంగారం మొత్తం కలిపితే సుమారుగా $3 ట్రిలియన్ విలువ కలిగి ఉన్నప్పటికీ, వాటిలో ఎక్కువ భాగం లాకర్లలో ఉండిపోయి ఆర్థిక వృద్ధికి ఉపయోగపడకుండా ఉంది. జీరోధా సహ-స్థాపకుడు, CEO నితిన్ కమాత్ అభిప్రాయం ప్రకారం, ఈ ఉపయోగం కానీ బంగారం మరింత ప్రయోజనకరంగా ఉపయోగించుకోవచ్చు. మనం బంగారాన్ని కేవలం గోల్డ్ లోన్స్ కోసం కాకుండా ఫైనాన్షియల్‌గా ఉపయోగించే మార్గాలు కావాలి అని కమాత్ చెప్పారు. స్టాక్ మార్కెట్ లో పెట్టుబడుల కంపెనీలకు నేరుగా డబ్బు అందిస్తాయి దాంతో ఆర్థిక వ్యవస్థ ముందుకు వెళ్లుతుంది.

తన ఆలోచనను వివరించడానికి కమాత్ 1996 నుంచి 2025 వరకు గోల్డ్ మరియు Nifty 500 సూచీ వార్షిక రిటర్న్లను పోల్చే చార్ట్‌ను షేర్ చేశారు. ఈ డేటా ప్రకారం ఈక్విటీలు 30 సంవత్సరాల్లో 24 సార్లు గోల్డ్ కంటే ఎక్కువ రిటర్న్ ఇచ్చాయి దీని ద్వారా దీర్ఘకాలంలో వృద్ధికి ఈక్విటీలు ఎక్కువ అవకాశం ఇస్తాయని తెలుస్తోంది.

Nifty 500 కొన్ని సంవత్సరాల్లో త్రిపుల్ డిజిట్ రిటర్న్స్ లాభం ఇచ్చింది. ఉదాహరణకు, 2003లో 101%, 2004లో 105%, 2009లో 91% రిటర్న్స్ వచ్చాయి. కానీ కొన్ని సంవత్సరాల్లో పెద్ద నష్టాలు కూడా వచ్చాయి, 2008లో -57%, 2001లో -22%, 2011లో -26%. ఇదే సమయంలో, బంగారం (Gold) స్థిరంగా, మోస్తుగా లాభం ఇచ్చింది. 2011లో 32%, 2020లో 27%, 2024లో 16% (అంచనా) లాభం వచ్చింది. ఈక్విటీలు కంటే బంగారంలో నష్టాలు తక్కువగా ఉన్నాయి. 2020లో గ్లోబల్ పాండమిక్ సమయంలో, రెండు ఆస్తుల విలువలు పెరిగాయి: Nifty 500 16% మరియు గోల్డ్ 27%.

భారతీయ కుటుంబాలకు కలిగిన బంగారం సుమారుగా 25,000 టన్నులు ఇది ప్రపంచంలో అత్యధికం. ప్రపంచ బంగారం స్టాక్‌లో 14% భాగం ఇదే కలిగి ఉంది. UBS సెక్యూరిటీస్ ఇండియా చెప్పినట్లుగా, భారతీయుల వద్ద ఉన్న ఈ బంగారం విలువ సుమారు $2.4 ట్రిలియన్. ఇది FY26లో భారతదేశ GDP 56% కి సమానం మరియు దేశంలోని మొత్తం బ్యాంక్ క్రెడిట్ కంటే కూడా ఎక్కువ, అంటే దేశ ఆర్థిక వ్యవస్థలో పెద్ద భాగం. UBS ప్రధాన ఆర్థిక నిపుణుడు తన్వీ గుప్తా జైన్ చెప్పినట్టే బంగారం ధరలు ఇంకా పెరుగుతాయని భావిస్తున్నారు. FY26లో ప్రతి ounce $3,500 కు చేరే అవకాశం ఉందని చెప్పారు. వాస్తవానికి, ఈ సంవత్సరం ఏప్రిల్‌లో బంగారం ధర $3,501 వరకు చేరింది.

HSBC Global గమనించినట్లుగా, భారతీయ కుటుంబాలు ఇప్పుడు ప్రపంచంలోని టాప్ 10 కేంద్ర బ్యాంకుల కలిపిన బంగారం రిజర్వ్‌ల కంటే ఎక్కువ బంగారం కలిగి ఉన్నాయి. ఈ కేంద్ర బ్యాంకులలో US, జర్మనీ, చైనా, రష్యా ఉన్నాయి. రిజర్వ్ బ్యాంక్ ఆఫ్ ఇండియా డిసెంబర్ 2024 వరకు కేవలం 876.18 టన్నులు బంగారం మాత్రమే కలిగి ఉంది. కమాత్ చేసిన వ్యాఖ్యలు మరియు ఈ డేటాను కలిపి చూస్తే మనం ఒక పెద్ద సవాలును స్పష్టంగా చూడొచ్చు. భారతీయులు బంగారం పట్ల ప్రేమ చూపిస్తున్నప్పటికీ అది ఎక్కువగా లాకర్లలో లేదా ఇళ్లలో నిల్వగా ఉండి దేశ ఆర్థిక వ్యవస్థకు అది పెద్దగా ఉపయోగపడడం లేదు. అంటే, ఈ భారీ బంగారం నిల్వను ఉపయోగకరమైన ఆర్థిక ఆస్తులుగా మార్చడం ఒక ముఖ్యమైన సవాల్‌గా ఉంది.

ఇక్కడ బంగారం కేవలం భౌతిక రూపంలో నిల్వ కాకుండా, స్టాక్ మార్కెట్, బాండ్లు, లేదా ఇతర పెట్టుబడుల రూపంల్లోకి మార్చడం వల్ల అవి కంపెనీలకు నిధులు అందిస్తాయి, కొత్త వ్యాపారాలు, ఉద్యోగ అవకాశాలు సృష్టిస్తాయి, తద్వారా దేశ ఆర్థిక వృద్ధికి సహాయపడతాయి. భారతీయుల బంగారం పై ప్రేమను స్మార్ట్‌గా వాడి పెట్టుబడుల రూపంకి మార్చడం ద్వారా, అది కేవలం వ్యక్తిగత ఆస్తి కాకుండా దేశ ఆర్థికతను బలపరచే శక్తివంతమైన వనరుగా మారుతుంది. ఈ మార్పు ఎలా సాధ్యమవుతుందో పెట్టుబడిదారులు, ప్రభుత్వాలు, మరియు ఫైనాన్స్ నిపుణులు ప్రత్యేకంగా పరిశీలించాల్సిన అంశం ఇది.