లక్షల కోట్ల నుండి సున్నాకు.. సర్వం కోల్పోయిన ట్యూషన్ టీచర్ 'బైజూస్' కథ ఇదే..

ఒకప్పుడు బాలీవుడ్ హీరో షారుఖ్ ఖాన్ అడ్వాటైజింగ్ చేసి టీవీలో, పేపర్లో ఎక్కడ చూసినా కనిపించే బైజూస్ (Byju's) సంస్థ ఈ స్థితికి చేరుకుంటుందని ఎవరూ ఊహించలేదు. పరిస్థితి ఎంత తీవ్రమైందంటే గూగుల్ ప్లే స్టోర్ కూడా బైజూస్ యాప్ని తొలగించింది. 2022 సంవత్సరంలో $22 బిలియన్ల స్థాయిని, అంటే దాదాపు రూ.1.88 లక్షల కోట్లను తాకిన కంపెనీ, తర్వాత రెండేళ్లలో పరిస్థితులు పూర్తిగా మారిపోయి సున్నాకు చేరుకుంది. అసలు అంత స్థాయి నుండి పతనమైన బైజు రవీంద్రన్ స్టోరీ ఏంటో తెలుసా...

ఒకప్పుడు హీరో.. ఇప్పుడు జీతాలు ఇవ్వడానికి ఇల్లు కూడా తాకట్టు: బైజూస్ టీం ఇండియా జెర్సీ నుండి ఐపీఎల్ వంటి టోర్నమెంట్ల వరకు అన్నింటికీ స్పాన్సర్ చేస్తూ కనిపించేది. కానీ ఒక తప్పు అతన్ని హీరో నుండి సున్నాగా మార్చింది. రెండేళ్లలో కంపెనీ సంపద ఆవిరైంది. దీని అర్థం కంపెనీ అవసరమైన దానికంటే ఎక్కువ అప్పులు చేసింది. ఉద్యోగులకు జీతాలు ఇవ్వడానికి కూడా అతని దగ్గర డబ్బు లేదు. పరిస్థితి ఎంత క్లిష్టంగా మారిందంటే, అతను తన ఇంటిని కూడా తాకట్టు పెట్టవలసి వచ్చింది.

సాధారణ టీచర్ నుండి బిలియనీర్‌గా : బైజు రవీంద్రన్ 1980లో కేరళలోని ఒక సాధారణ కుటుంబంలో జన్మించాడు. తల్లి మ్యాథ్స్ టీచర్, తండ్రి ఫిజిక్స్ టీచర్. బైజు చిన్నప్పటి నుంచి చదువులో టాపర్. బీ.టెక్ తర్వాత అతనికి ఒక షిప్పింగ్ కంపెనీలో ఉద్యోగం వచ్చింది. అతను సెలవులకు ఇంటికి వచ్చినప్పుడు CATకి ప్రిపేర్ అవుతున్న తన స్నేహితులకు సహాయం కోరాడు. బైజు CATలో 100 శాతం మార్కులు సాధించి తన స్నేహితులను పరీక్షకు రెడీ చేసాడు. అతని స్నేహితులు కూడా మంచి ఫలితాలు సాధించడంతో అతను ఉద్యోగాన్ని వదిలివేసి టీచింది ప్రారంభించాడు.

బైజు ఇంట్లోనే కోచింగ్ క్లాసెస్ స్టార్ట్ చేసాడు. తర్వాత అతని ప్రజాదరణ పెరిగింది. ఇంట్లో క్లాసెస్ చెప్పడానికి స్థలం సరిపోకపోవడంతో స్టేడియంలో టీచింగ్ ప్రారంభించాడు. 2007 సంవత్సరంలో అతను బైజు క్లాసులను ప్రారంభించాడు. ఈ సమయంలో అతను తన సొంత స్టూడెంట్ దివ్య గోకుల్‌నాథ్‌తో ప్రేమలో పడి వివాహం చేసుకున్నాడు. ఆ తర్వాత తన భార్యతో కలిసి అతను ఒక ఎడ్యుటెక్ కంపెనీని స్థాపించి, దానితో థింక్ అండ్ లెర్న్ ప్రైవేట్ లిమిటెడ్‌ను ప్రారంభించాడు.

భారీ పెట్టుబడులు: బైజూస్ వేగంగా ఆఫ్‌లైన్ క్లాసెస్ ప్రారంభించింది. 2013లో మణిపాల్ గ్రూప్ ఛైర్మన్ రంజన్ పాయ్ ఇంకా ఇన్ఫోసిస్ CFO మోహన్‌దాస్ పాయ్ బైజూస్‌లో పెట్టుబడి పెట్టారు. 2015 సంవత్సరంలో కంపెనీ యాప్‌ను ప్రారంభించింది. 2016లో రూ.1200 కోట్ల పెట్టుబడి, 2017లో రూ.600 కోట్ల పెట్టుబడి లభించాయి. 2018 సంవత్సరంలో కంపెనీ విలువ 1 బిలియన్ డాలర్లకు చేరుకుంది. దీనితో కంపెనీ దేశంలో యునికార్న్ క్లబ్‌కు చేరుకున్న మొట్టమొదటి ఎడ్ టెక్ కంపెనీగా అవతరించింది. 2020 సంవత్సరంలో కోవిడ్ మహమ్మారి సమయంలో కంపెనీ వృద్ధికి రెక్కలు వచ్చాయి. 2017 నుండి 2021 వరకు కంపెనీ 17 ఇతర సంస్థలను కొనుగోలు చేసింది.

అనవసర ఖర్చులు: బైజూ ప్రకటనల కోసం నీళ్లలా డబ్బు ఖర్చు చేసింది. షారుఖ్ ఖాన్ నుండి సౌరభ్ గంగూలీ వరకు సెలబ్రిటీలు చాలా ప్రకటనలు చేస్తూ కనిపించారు. ఇంకా కంపెనీ ఐపీఎల్ స్పాన్సర్‌షిప్‌ కూడా పొందింది. బీసీసీఐతో జెర్సీపై ప్రకటనల ఒప్పందం కూడా కుదుర్చుకుంది. 2022 సంవత్సరంలో ఫిఫా ప్రపంచ కప్‌ను నిర్వహించడానికి కంపెనీ లియోనెల్ మెస్సీతో కోట్ల విలువైన ఒప్పందం కుదుర్చుకుంది.

అయితే ఈ స్పీడ్ సాధించడంలో కంపెనీ చాలా తప్పులు చేసింది ఇంకా పతనం ప్రారంభమైంది. అదే టైంలో కంపెనీ వైట్‌హాట్ జూనియర్‌ను $300 మిలియన్లకు కొనుగోలు చేసింది, ఇది భారీ లాస్ డీల్'గా మారింది. దింతో కంపెనీ లక్ష్యాలను సాధించడంలో విఫలమైంది. చివరకు కంపెనీ నష్టం రూ.4564 కోట్లకు పెరిగింది.

అప్పుల భారం: కంపెనీపై అప్పుల భారం పెరుగుతూ వచ్చింది. కోవిడ్ తర్వాత స్కూల్స్ ఇంకా కాలేజెస్ తెరవడంతో, బైజూస్ నష్టాల వేగం కూడా పెరిగింది. ఆన్‌లైన్ క్లాసెస్ కోసం పిల్లల సంఖ్య తగ్గింది, కంపెనీ లాభాలు కూడా తగ్గాయి. 2021-22లో ఆ కంపెనీ ఒక సంవత్సరం పాటు ఆర్థిక ఫలితాలను ఫైల్ చేయలేదు, ఈ కారణంగా చైనా బోర్డు సభ్యులు ఇంకా ఆడిటర్లు దాని నుండి నిష్క్రమించారు. 2023లో టెక్ పెట్టుబడిదారులు బైజూస్‌కు నిధులను తగ్గించారు, దీని వలన కంపెనీ భారీ నష్టాలను చవిచూసింది దింతో పెద్ద ఎత్తున తొలగింపులను ఎదుర్కొంది.

నష్టాలు వచ్చినప్పటికీ, కంపెనీ మార్కెటింగ్ కోసం నీళ్లలా డబ్బు ఖర్చు చేయడం కొనసాగించింది. తల్లిదండ్రులు ఇంకా విద్యార్థులు బైజూ కోర్సుల నాణ్యతను ప్రశ్నించడం ప్రారంభించారు. పెట్టుబడిదారులు ఒక్కొక్కరుగా వెళ్లిపోవడం ప్రారంభించారు. 2023 సంవత్సరంలో కంపెనీ వాల్యుయేషన్ సున్నాగా మారిందని స్పష్టం చేసింది. 2022లో $22 బిలియన్ల విలువ ఉన్న బైజూస్ నేడు సున్నాకి చేరింది. జీతం చెల్లించడానికి, బైజు రవీంద్రన్ తన ఇంటిని కూడా తాకట్టు పెట్టాల్సి వచ్చింది. తప్పుడు నిర్ణయాలు ఇంకా సరైన అంచనా లేకుండా కంపెనీలను కొనుగోలు చేయాలనే నిర్ణయం బైజుకు అత్యంత ఖరీదైనదని నిరూపించింది. మొత్తంమీద, నిర్వహణ లోపం బైజూస్‌ను నాశనం చేసింది.

చివరికి 2023 నాటికి పరిస్థితి మరింత దిగజారింది అండ్ ED (ఎన్‌ఫోర్స్‌మెంట్ డైరెక్టరేట్) FEMA ఉల్లంఘనలపై దర్యాప్తు ప్రారంభించింది. అమెరికా బ్యాంకులు దివాలా తీయాలని డిమాండ్ చేశాయి. ఉద్యోగులు వెళ్లిపోవడం ప్రారంభించారు. 2024 నాటికి, బైజూస్ విలువ సున్నాకి చేరుకుంది. చట్టపరమైన పోరాటాలు, అప్పుల & నిర్వహణ లోపాల కారణంగా కంపెనీ దివాలా అంచుకు చేరుకుంది.