ఆ మ్యూచువల్ ఫండ్ స్కీమ్స్ రద్దుపై ఓటింగ్.. ఎప్పుడంటే

ఆరు డెట్ మ్యూచువల్ ఫండ్స్ స్కీమ్స్ రద్దు పైన వాటిల్లో పెట్టుబడులు పెట్టిన ఇన్వెస్టర్ల సమ్మతిని ఫ్రాంక్లిన్ టెంపుల్టన్ కోరింది. డిసెంబర్ 26-28 తేదీ మధ్య ఎలక్ట్రానిక్ పద్ధతిలో ఓటింగ్ జరుగుతుందని, ఈ పథకాల రద్దు నిర్ణయానికి అంగీకరిస్తారా లేదా వెల్లడించాలని సూచించింది. అనంతరం ఈ పథకాల ఇన్వెస్టర్లతో డిసెంబర్ 29వ తేదీన సమావేశం నిర్వహిస్తుంది.

ఇన్వెస్టర్లు వ్యక్తం చేసే అభిప్రాయాల పైన ఈ స్కీం పునఃప్రారంభం ఆధారపడి ఉంటుంది. మళ్లీ ప్రారంభించాలా లేదా డబ్బులు తిరగిి చెల్లించాలా తెలియజేయాలి. ఆరు మ్యూచువల్ ఫండ్ స్కీంల రద్దుపై యూనిట్ హోల్డర్లతో సమావేశం నిర్వహించేందుకు వారం రోజుల్లో చర్యలు చేపట్టాలని భారత అత్యున్నత న్యాయస్థానం సుప్రీం కోర్టు ఆదేశించింది.

ప్రతి మ్యూచువల్ ఫండ్ స్కీంకు వేర్వేరుగా ఇన్వెస్టర్ల అనుమతిని కంపెనీ కోరింది. నిధుల ఉపసంహరణ ఒత్తిడి, బాండ్ మార్కెట్లో ద్రవ్యలభ్యతలేమి కారణాలను చూపుత ఆరు డెట్ మ్యూచువల్ ఫండ్స్‌ను ఏప్రిల్ 23న ప్రాంక్లిన్ టెంపుల్టన్ రద్దు చేసిన విషయం తెలిసిందే.