బజాజ్ గ్రూప్ రాహుల్ బజాజ్ కన్నుమూత, ప్రకాశ్ జవదేకర్ సంతాపం

ప్రముఖ వ్యాపారవేత్త, బజాజ్ గ్రూప్ మాజీ చైర్మన్ రాహుల్ బజాజ్ శనివారం కన్నుమూశారు. మహారాష్ట్రలోని పుణేలో ఆయన తుదిశ్వాస విడిచినట్లు బజాజ్ గ్రూప్ ప్రకటించింది. చివరి క్షణాల్లో కుటుంబ సభ్యులు ఆయన చెంత ఉన్నట్లు పేర్కొంది. 1965లో బజాజ్ గ్రూప్ బాధ్యతలను రాహుల్ బజాజ్ స్వీకరించారు. 2005లో తన విధుల నుండి తప్పుకోగా, ఆయన కుమారుడు రాజీవ్ బజాజ్ మేనేజింగ్ డైరెక్టర్‌గా నియమితులయ్యారు.

ఆయన ఇద్దరు తనయులు రాజీవ్, సంజీవ్ సంస్థ కార్యకలాపాలు నిర్వర్తిస్తున్నారు. గత ఏడాది ఏప్రిల్ నెలలో నాన్ ఎగ్జిక్యూటివ్ చైర్మన్‌గా వైదొలిగారు. గౌరవ చైర్మన్‌గా కొనసాగుతున్నారు. 2006-2010 వరకు రాజ్యసభకు ప్రాతినిథ్యం వహించారు. ఆయన పద్మభూషణ్‌తో గ్రహీత కూడా. ఆయన మమృతి పట్ల పలువురు దిగ్భ్రాంతి వ్యక్తం చేశారు.

కేంద్రమంత్రి ప్రకాశ్ జవదేకర్ సామాజిక అనుసంధాన వేదిక ట్విట్టర్ ద్వారా సంతాపం తెలిపారు. రాహుల్ బజాజ్ మృతి పెద్ద లోటు అని, టూవీలర్స్‌లో ఆయన బ్రాండ్ క్రియేచ్ చేశారని, రాజ్యసభలో సమర్థవంతంగా పని చేశారని ప్రకాశ్ జవదేకర్ పేర్కొన్నారు.