H-1B visa: యూఎస్ వీసా లిమిట్ ఓవర్.. భారతీయ విద్యార్థులకు కీలక వార్నింగ్, డోన్ట్ మిస్

US Visa News: అమెరికా కాలేజీల్లో ఉన్నతస్థాయి చదువులకు వెళ్లి ఎలాగొలా అక్కడే చిన్నగా స్థిరపడిపోవాలనేది చాలా మంది భారతీయ యువత కల. ఇందుకోసం చాలా ముఖ్యమైనది వీసా. అయితే ఇప్పటికే అమెరికాలో ఉద్యోగం చేస్తున్న చాలా మంది స్పాన్సర్డ్ H-1B వీసాలపై అక్కడ నివసిస్తున్న సంగతి తెలిసిందే. ఈ క్రమంలో విద్యార్థులకు అమెరికా యూనివర్సిటీల నుంచి కీలక హెచ్చరిక కూడా రావటం గమనార్హం.

ఈ క్రమంలో యూఎస్ సిటిజన్షిప్ అండ్ ఇమ్మిగ్రేషన్ సర్వీసెస్ కీలక ప్రకటన చేసింది. 2025 ఆర్థిక సంవత్సరానికి నిర్థేశించబడిన వీసా లిమిట్స్ కోసం తగిన దరఖాస్తులను తాము అందుకున్నట్లు వెల్లడించింది. ఈ క్రమంలో H-1B వీసాల కోసం రెగ్యులర్ అప్లికెంట్స్ లిమిట్ 65,000 మార్కును, అలాగే యూఎస్ ఎడ్వాన్స్ డిగ్రీ హోల్డర్ల కోసం నిర్థేశించిన 20,000 వీసాల లిమిట్ చేరుకున్నట్లు ప్రకటించింది. రానున్న రోజుల్లో సెలెక్ట్ అయినవారు, అవ్వనివారు వీసా అప్లికేషన్ స్టేటస్ గురించి సమాచారం అందుకుంటారని పేర్కొంది. ఈ క్రమంలో ఇంకా భారతీయులు అమెరికా వెళ్లటానికి వీసాల కోసం దరఖాస్తు చేసుకోవచ్చా లేదా అనే విషయంపై క్లారిటీ కోసం డైలమాలో ఉన్నారు.

వాస్తవానికి H-1B వీసా ప్రోగ్రామ్ అమెరికా యజమానులు తాత్కాలికంగా విదేశీ ఉద్యోగులను ప్రత్యేక వృత్తుల్లో నియమించుకోవడానికి అనుమతిస్తుంది. ఈ క్రమంలో వారికి సైద్ధాంతిక, ఆచరణాత్మక నైపుణ్యం అవసరం. దీనికోసం సదరు వ్యక్తులు బ్యాచిలర్ డిగ్రీ లేదా అంతకంటే ఎక్కువ విద్యార్హతను కలిగి ఉండాలి. ముఖ్యంగా ఆర్కిటెక్చర్, ఇంజనీరింగ్, మ్యాథమెటిక్స్, ఫిజికల్ సైన్సెస్, సోషల్ సైన్సెస్, మెడిసిన్, ఎడ్యుకేషన్, బిజినెస్, లా అండ్ ఆర్ట్స్ వంటి వాటికి మాత్రమే పరిమితం కాకుండా దీనికింద అర్హత గల ఫీల్డ్‌లు ఉన్నాయి. అందుబాటులో ఉన్న వివరాల ప్రకారం అమెరికాలోని దిగ్గజ టెక్ కంపెనీలైన గూగుల్, అమెజాన్, ఇన్ఫోసిస్, ఐబీఎమ్ వంటి ప్రముఖ కంపెనీలు 2024లో తక్కువ H-1B వీసాలను స్పాన్సర్ చేశాయని వెల్లడైంది. 2023 ఆర్థిక సంవత్సరంలో జారీ చేయబడిన మొత్తం 386,000 H-1B వీసాల్లో భారతీయ పౌరులు 72.3% దక్కించుకోవటం గమనార్హం.

ట్రంప్ గెలుపుతో విద్యార్థులకు హెచ్చరికలు..
జనవరి 20న అమెరికాకు 47వ అధ్యక్షుడిగా ట్రంప్ ప్రమాణ స్వీకారోత్సవం చేయనున్న వేళ అమెరికాలోని యూనివర్సిటీలు అప్రమత్తం అయ్యాయి. 2017లో మెుదటి సారి ట్రంప్ గెలిచినప్పుడు ఎదురైన పరిస్థితుల దృష్యా తమ విదేశీ విద్యార్థులను ముందుగానే అప్రమత్తం చేస్తున్నాయి. ఈ క్రమంలో విదేశాల్లో ఉన్న విద్యార్థులు ట్రంప్ అధ్యక్షుడిగా జనవరిలో బాధ్యతలు చేపట్టే సమయానికి భౌతికంగా అమెరికాలో ఉండాలని సూచిస్తున్నాయి. ఇదే క్రమంలో ఇతరదేశాల్లో ఉన్న తమ సిబ్బందికి కూడా ఇదే తరహా సూచనలు చేసాయి. ఈ క్రమంలో యేల్ యూనివర్శిటీ ఇంటర్నేషనల్ స్టూడెంట్స్ అండ్ స్కాలర్స్ ఆఫీస్ ఇటీవల ఇమ్మిగ్రేషన్ పాలసీ మార్పులపై ఉన్న ఆందోళనలను పరిష్కరించడానికి వెబినార్‌ కూడా నిర్వహించిన సంగతి తెలిసిందే.