IPO News: మెగా ఐపీవోకి స్విగ్గీ దరఖాస్తు.. రూ.3,750 కోట్ల కోసం ఇన్వెస్టర్ల ముందుకు, పూర్తి వివరాలు

Swiggy IPO: మెగా ఐపీవోల కోలాహలంలో స్విగ్గీ తన ప్రయాణాన్ని మెుదలుపెట్టింది. ఈ క్రమంలో స్విగ్గీ సెబీ వద్ద ముసాయిదా పేపర్లు దాఖలు చేసింది. ఐపీవో షేర్లు ఎన్ఎస్ఈ, బీఎస్ఈలో జాబితా చేయబడ్డాయి. దేశంలోని అతిపెద్ద ఫుడ్ డెలివరీ యాప్ ఐపీవో ద్వారా స్టాక్ మార్కెట్లో జాబితా అవ్వాలని చాలా కాలంగా చేస్తున్న ప్రయత్నాలు ప్రస్తుతం ఒక కొలిక్కి వచ్చినట్లు తెలుస్తోంది.

కంపెనీ తాజా ఐపీవో ద్వారా దేశీయ స్టాక్ మార్కెట్ల నుంచి రూ.3,750 కోట్లను సమీకరించాలని చూస్తోంది. అయితే ఇందులో ఆఫర్ ఫర్ సేల్ కూడా ఉంటుందని తెలుస్తోంది. ఈ క్రమంలో ఓఎఫ్ఎస్ కింద కంపెనీ 185,286,265 షేర్లను ఉంచబోతోంది. అందుబాటులో ఉన్న సమాచారం ప్రకారం కంపెనీ దీనికి సంబంధించిన డీఆర్హెచ్పీని సెబీ వద్ద సెప్టెంబర్ 26న సమర్పించింది. ఆఫర్ ఫర్ సేల్ కింద Accel India IV (Mauritius), Apoletto Asia, Alpha Wave Ventures LP, Coatue PE Asia XI LLC, DST EuroAsia V B.V, Elevation Capital V, Inspired Elite Investments, MIH India Food Holdings B.V., Norwest Venture Partners VIIA-Mauritius, Tencent Cloud Europe B.V తమ వాటాలను విక్రయించనున్నాయి.

కంపెనీ ఐపీవోలో 75 శాతాన్ని క్వాలిఫైడ్ ఇన్వెస్టర్ల కోసం రిజర్వు చేసింది. అలాగా 15 శాతం నాన్ ఇన్టిట్యూషనల్ ఇన్వెస్టర్లకు, మిగిలిన 10 శాతాన్ని రిటైల్ ఇన్వెస్టర్ల కోసం అందుబాటులో ఉంచింది. కంపెనీ తాజా ఐపీవో ద్వారా సమీకరించిన సొమ్మును.. మెటీరియల్ సబ్సిడరీ స్కూట్సీలో పెట్టుబడి కోసం ఉపయోగించబడుతుంది. అలాగే కొంత భాగాన్ని రుణాలను తిరిగి చెల్లించడం లేదా ముందస్తు చెల్లింపు కోసం వాడనుంది. అలాగే డార్క్ స్టోర్‌ల ఏర్పాటు మరియు డార్క్ స్టోర్‌ల కోసం లీజు/లైసెన్స్ చెల్లింపులు చేయడం ద్వారా క్విక్ కామర్స్ వ్యాపారం స్విగ్గీ ఇన్‌స్టామార్ట్ విభాగం కోసం డార్క్ స్టోర్ నెట్‌వర్క్‌ని విస్తరించడం; టెక్నాలజీ, క్లౌడ్ ఇన్‌ఫ్రాస్ట్రక్చర్‌లో పెట్టుబడి వంటి అవసరాల కోసం వినియోగించనుంది. అలాగే బ్రాండ్ మార్కెటింగ్, ప్రమోషన్, సాధారణ కార్పొరేట్ ప్రయోజనాల కూసం కూడా కొంత భాగాన్ని వాడనుంది.

గ్రేమార్కెట్లో ప్రస్తుతం కంపెనీ షేర్లు అరంగేట్రానికి ముందుగానే భాగీ బజ్ కొనసాగుతున్నాయి. జూన్ 30, 2024 నాటికి కార్యకలాపాల ద్వారా స్విగ్గీ ఆదాయం రూ.32,222.17 మిలియన్లు, జూన్ 30, 2023 నాటికి రూ.23,898.18 కోట్లతో పోలిస్తే. FY24లో కంపెనీ ఆదాయం రూ.112,473.90 మిలియన్లుగా ఉంది. కంపెనీ స్విగ్గీ వినియోగదారులకు డెలివరీ ఖర్చులపై అందించే నికర తగ్గింపులను తగ్గించడం ద్వారా మార్జిన్‌లను మెరుగుపరచడం కొనసాగించాలని యోచిస్తోంది. ఒక ఆర్డర్‌కు డెలివరీ భాగస్వాములు ప్రయాణించే దూరాన్ని తగ్గించడం, డెలివరీ ఫ్లీట్ వినియోగాన్ని మెరుగుపరచడం ద్వారా నెట్ డెలివరీ ఖర్చులను మరింత ఆప్టిమైజ్ చేయగలదని కంపెనీ నమ్మకంగా ఉంది.