పండుగ ఆఫర్లు: పేటీఎంతో ఫ్లిప్కార్టు భాగస్వామ్యం
పండుగ సమయంలో చిన్న షాప్స్ నుండి ఈ-కామర్స్ దిగ్గజాల వరకు అందరు ఆఫర్లు ఇస్తారు. పండుగ అమ్మకాల సమయంలో కస్టమర్లకు పలు ఆకర్షణీయ ఆఫర్లు, ప్రయోజనాలు అందించేందుకు పేటీఎంతో ఈ-కామర్స్ దిగ్గజం ఫ్లిప్కార్ట్ జత కట్టింది. పేటీఎం కస్టమర్లు బిగ్ బిలియన్ డేస్ విక్రయాల సమయంలో ఫ్లిప్కార్ట్ ద్వారా చేసే కొనుగోళ్లకు పేటీఎం వ్యాలెట్, పేటీఎం యూపీఐ ద్వారా సులభంగా చెల్లింపులు జరపవచ్చు. పేటీఎం వ్యాలెట్లో ఇన్స్టాంట్ క్యాష్ బ్యాక్ను పొందవచ్చు. ఫ్లిప్కార్ట్ బిలియన్ డేస్ విక్రయాలు అక్టోబర్ 16వ తేదీ నుండి 21వ తేదీ వరకు జరపనుంది.
పండుగ సీజన్లో పేటీఎంతో చేతులు కలిపామని, తమ బిగ్ బిలియన్ డేస్ సందర్భంగా ఫ్లిప్కార్ట్లో చేసే షాపింగ్ పైన యూజర్లకు పేటీఎం వ్యాలెట్, పేటీఎం యూపీఐ ద్వారా ట్రాన్సాక్షన్స్ జరిపేందుకు ఈ ఒప్పందం ఉపయోగపడుతుందని ఫ్లిప్కార్ట్ ఓ ప్రకటనలో తెలిపింది. కాగా, అక్టోబర్ 16 నుంచి 21 దాకా ఫ్లిప్కార్ట్ ది బిగ్ బిలియన్ డేస్ సేల్, ఆ సంస్థ ఫ్యాషన్ విభాగం మింత్రా అక్టోబర్ 16 నుంచి 22 వరకు బిగ్ ఫ్యాషన్ ఫెస్టివల్ నిర్వహిస్తోంది.
అమెజాన్ గ్రేట్ ఇండియన్ ఫెస్టివ్ సేల్: HDFCతో భారీ డిస్కౌంట్
కాగా, ఈ-కామర్స్ దిగ్గజాలు ఇప్పుడు స్థానిక దుకాణాలపై కూడా దృష్టి సారించాయి. పండగ సీజన్లో అమ్మకాలు మరింత పెంచుకునేందుకు అమెజాన్ ఇండియా తన గ్రేట్ ఇండియా ఫెస్టివల్ కోసం లోకల్ షాప్స్ ఆన్ అమెజాన్ పేరుతో ప్రత్యేక కార్యక్రమం చేపట్టింది. ఈ కార్యక్రమంలో లక్షకు పైగా స్థానిక దుకాణాలు, కిరాణాషాపులు పాల్గొంటున్నట్టు కంపెనీ ఇది వరకే తెలిపింది.