25 ఏళ్లలోపు మహిళాలకి సూపర్ ఆఫర్.. ఏకంగా రూ. 81వేలు.. కానీ ఒక కండిషన్..

జనాభాని పెంచేందుకు స్వంత చర్యలను ప్రవేశపెడుతూ, క్షీణిస్తున్న జననాల రేటును పెంచడానికి చైనా, జపాన్‌లతో కలిసి ఇప్పుడు రష్యా చేరింది. ఒక ఫ్యామిలీ స్టార్ట్ చేసేందుకు యువతులను ప్రోత్సహించే ప్రయత్నంలో భాగంగా రష్య దేశంలోని ఒ ప్రాంతం ఆరోగ్యకరమైన శిశువుకు జన్మనిచ్చే 25 ఏళ్లలోపు మహిళా విద్యార్థులకు 100,000 రూబిళ్లు అంటే సుమారు రూ. 81,000 భారీ ప్రోత్సాహాన్ని అందిస్తోంది అని ది మాస్కో టైమ్స్ నివేదించింది. ఈ మొత్తం కోసం అర్హతగల వారు తప్పనిసరిగా స్థానిక యూనివర్సిటీ లేదా కాలేజ్లో ఫుల్ టైం విద్యార్థులు అలాగే 25 ఏళ్లలోపు ఉండి కరేలియా నివాసితులు అయి ఉండాలి.

అయితే చనిపోయిన బిడ్డకు జన్మనిచ్చిన తల్లులకు ఈ బోనస్ లభించదని చట్టం స్పష్టంగా పేర్కొంది. అయితే, ఆకస్మిక శిశు మరణ సిండ్రోమ్ కారణంగా బిడ్డ చనిపోతే కూడా ఈ మొత్తం రద్దు చేయబడుతుందా లేదా అనేది అస్పష్టంగా ఉంది. ఇంకా వైకల్యం ఉన్న పిల్లలకు జన్మనిచ్చిన యువతులకి ఈ బోనాల పొందేందుకు అర్హులా కాదా అని పాలసీలో పేర్కొనలేదు లేదా పిల్లల సంరక్షణ ఇంకా డెలివరీ తరువాత రికవరీ ఖర్చులకు సహాయంగా అదనపు బోనస్ ఇస్తారా అనేది పేర్కొనలేదు.

మరోవైపు రష్యా జనన రేటు చారిత్రాత్మకంగా కనిష్ట స్థాయికి చేరుకుంది, 2024 మొదటి అర్ధభాగంలో కేవలం 599,600 మంది పిల్లలు మాత్రమే జన్మించారు. ఈ లెక్కలు గత 25 సంవత్సరాలలో అత్యల్ప సంఖ్యలో జననాలు ఇంకా 2023 కంటే 16,000 తక్కువ. క్రెమ్లిన్ ప్రతినిధి డిమిత్రి పెస్కోవ్ జూలై 2024లో దేశ భవిష్యత్తుకు విపత్తుగా పరిస్థితిని వివరించారు.

రష్యాలోని ఇతర ప్రాంతాలు కూడా యువతులను పిల్లలను కనేందుకు ప్రోత్సహించేందుకు ఇలాంటి ప్రోత్సాహకాలను అమలు చేస్తున్నాయి. సెంట్రల్ రష్యాలోని టామ్స్క్ అనే నగరంలో కూడా ఇలాంటి కార్యక్రమం అమలులో ఉంది. మొత్తంగా, రష్యాలోని కనీసం 11 ప్రాంతీయ ప్రభుత్వాలు ప్రసవించే విద్యార్థినులకు ఆర్థిక ప్రోత్సాహకాలు అందిస్తున్నట్లు నివేదించాయి.

జాతీయ ప్రభుత్వం కూడా డెలివరీ బోనస్ కూడా పెంచింది. 2025 నుండి మొదటిసారి డెలివరీ మహిళలు 677,000 రూబిళ్లు (సుమారు 5 లక్షలకు పైగానే) అందుకుంటారు, ఈ పెంపు గత సంవత్సరం 630,400 రూబిళ్ల కంటే భారీ పెరుగుదల. దీనికి అదనంగా రెండవ బిడ్డకి జన్మనిచ్చిన తల్లులు 894,000 రూబిళ్ల (సుమారు 7 లక్షలకు పైగా)కి అర్హులు, ఇంతకు ముందు 2024లో 833,000 రూబిళ్లు ఇచ్చేవారు.

ముఖ్యంగా తక్కువ జననాల రేటు, అధిక వృద్ధ మరణాలు, వలసల కారణంగా రష్యా జనాభా తగ్గుతోంది. ఉక్రెయిన్‌లో యుద్ధం కారణంగా కూడా ఇక్కడి పరిస్థితి మరింత తీవ్రమైంది, దీని ఫలితంగా అధిక ప్రాణనష్టం అండ్ విదేశాలకు పౌరులు పెద్దఎత్తున వలస వెళ్ళారు.

రష్యన్ ప్రభుత్వం నగదు ప్రోత్సాహకాలు ఇంకా హౌసింగ్ సపోర్ట్‌తో సహా వివిధ చర్యల ద్వారా జనన రేటును పెంచడానికి ప్రయత్నిస్తోంది. అయినప్పటికీ, ఈ ప్రయత్నాలు పరిమిత విజయాన్ని సాధించాయి అలాగే జనన రేటు కూడా తక్కువగానే ఉంది. ప్రభుత్వ విధానాలు కూడా ఆశించిన విధంగా లేవని, జనాభా సంక్షోభానికి దారితీసే సమస్యలను పరిష్కరించడంలో విఫలమయ్యాయని కొందరు అక్కడి ప్రజలు విమర్శిస్తున్నారు.