ఫేక్ ట్రేడింగ్ యాప్‌లో తెలంగాణ వ్యాపారి రూ. 4.8 కోట్లు మోసపోయాడు

ఒక చిన్న WhatsApp కాల్, ఒక డెమో, కొద్దిగా నమ్మకం ఇవి తెలంగాణలో రెండు వ్యాపారులను కోట్ల రూపాయల నష్టానికి దారి తీసాయి. ఈ ఘటనలు సైబర్ ఫ్రాడ్‌లపై జాగ్రత్తగా ఉండాల్సిన అవసరాన్ని మళ్ళీ గుర్తు చేస్తున్నాయి.

హైదరాబాద్‌లో 4.87 కోట్ల మోసం

55 ఏళ్ల రియల్ ఎస్టేట్ వ్యాపారి ఇటీవల ఒక భారీ మోసానికి బలి అయ్యారు. ఆయన చెప్పినట్లే, మౌనిక అనే మహిళ WhatsApp ద్వారా సంప్రదించి, హైదరాబాద్‌లో ఒక ప్లాట్‌ గురించి చెప్పింది. ఆమె అతనికి ఒక ట్రేడింగ్ వెబ్‌సైట్‌ను చూపించి, ట్రేడింగ్ డెమో గురించి కూడా చూపించింది.

మొదట ఆయన రూ. 50,000 పెట్టి 24% లాభం పొందిన తర్వాత,ఆదాయాన్ని చూసినాక నమ్మకం వల్ల పెద్ద మొత్తంలో పెట్టుబడి పెట్టాలని అంగీకరించారు. ఆయన మొత్తం రూ. 1.5 కోట్లను పెట్టారు. ఒక వారంలోనే యాప్‌లో లాభం వచ్చి రూ. 3.5 కోట్లుగా చూపించింది.

కానీ, అతను డబ్బు తీసుకోవాలని ప్రయత్నించినప్పుడు, యాప్ 30% పన్ను, VIP అకౌంట్ అప్‌గ్రేడ్ ఫీజు, డాలర్-టు-రూపీ మార్పు ఖర్చులు అడిగింది. మొత్తం చెల్లింపులు చేసిన తర్వాత, చివరికి వ్యాపారి రూ. 4.87 కోట్లను కోల్పోయాడు. అతనికి మోసం తెలిసిన వెంటనే నేషనల్ సైబర్ రిపోర్టింగ్ ప్లాట్‌ఫారమ్‌లో ఫిర్యాదు చేశాడు. ఈ కేసును IT Act సెక్షన్ 66-D, BNS సెక్షన్లు 318(4), 319(2), 338 కింద నమోదు చేసింది.

రెండవ వ్యాపారి 2.1 కోట్ల నష్టం
52 ఏళ్ల వ్యాపారి మరో ఫేక్ ట్రేడింగ్ యాప్ ద్వారా రూ. 2.14 కోట్లు మోసపోయారు. ఇది జూలైలో YouTubeలో స్టాక్ ట్రేడింగ్ వీడియో చూసి అయినకి ఆసక్తి పెరిగింది. వీడియోలో ఉన్న లింక్ ద్వారా WhatsApp గ్రూప్‌లో చేరి '360 వన్ ఎస్సెట్ మేనేజ్మెంట్' అనే SEBI రిజిస్టర్డ్ యాప్‌లో రిజిస్టర్ అయ్యారు.

యాప్‌లో సూచించిన స్టాక్‌లపై ట్రేడింగ్ ప్రారంభించి, కొంతకాలంలో మొత్తం రూ. 2.14 కోట్లు మల్టిపుల్ ఖాతాల ద్వారా పంపించారు. చివరికి ఆయనకి కొద్దిగా డబ్బు మాత్రమే తిరిగి పొందగలిగారు, మిగిలిన 2.1 కోట్లు మోసపోయారు. అదనపు ఫీజులు అడిగిన తర్వాత మోసమని గ్రహించారు. ఈ కేసులో IT Act సెక్షన్లు 66-C, 66-D, BNS సెక్షన్లు 111(2)(b), 318(4), 319(2), 336(3), 338, 340(2) కింద పోలీసులు దర్యాప్తు చేస్తున్నారు.

ఇలాంటి స్కామ్‌ల నుంచి మనం జాగ్రత్తగా ఉండాలి. ఈ రెండు ఘటనలు సూచిస్తున్నాయి, ఎప్పుడూ ధృవీకరించని ఆన్‌లైన్ ప్లాట్‌ఫారమ్‌లలో మాత్రమే పెద్ద మొత్తంలో పెట్టుబడి పెట్టకూడదని. YouTube లేదా సోషల్ మీడియా ద్వారా వచ్చే లింకులను అస్సల నమ్మకూడదు. ఏదైనా ఆన్‌లైన్ ట్రేడింగ్ ఆఫర్ చూసినపుడు, SEBI లేదా ప్రభుత్వ గుర్తింపు ఉందో, ప్లాట్‌ఫారమ్ నిజంగా రిజిస్టర్డ్ ఉందో పరీక్షించుకోవాలి.

సరైన సమాచారం లేకుండా పెట్టుబడులు పెట్టడం పెద్ద నష్టానికి దారితీస్తుంది. తెలంగాణ సైబర్ సెక్యూరిటీ బ్యూరో (TGCSB) వంటి సంస్థలు సైబర్ మోసాలపై ఫిర్యాదులను స్వీకరించి దర్యాప్తు చేస్తున్నారు. వ్యాపారులు మరియు సాధారణ పెట్టుబడిదారులు జాగ్రత్తగా ఉండాలి, పెద్ద మొత్తాలు పెట్టక ముందే ఫలితాలు, నష్టాల గురించి స్పష్టత చేసుకోవాలి.