50 కోట్ల మంది ఫేస్‌బుక్ సమాచారం బయటకు.. మరోసారి భద్రతా వైఫల్యం

50 కోట్లకు పైగా ఫేస్‌బుక్ యూజర్ల డేటా ఆన్‌లైన్‌లో కనిపించింది. ఇది కలకలం రేపింది. హ్యాకర్లు చాలా ఈజీగా ఈ సమాచారం పొందేలా ఓ వెబ్ సైట్‌లో ఈ వివరాలను ఉంచినట్లు ఇంగ్లీష్ మీడియాలో వార్తలు వచ్చాయి. ఇందులో 106 దేశాలకు చెందిన కస్టమర్ల ఫేస్‌బుక్ ఐడీలు, పూర్తి పేర్లు, ప్రాంతాలు, పుట్టిన తేదీ, ఈ-మెయిల్ ఐడీ, చిరునామాలు ఉన్నాయి. అయితే ఈ సమాచారం అంతా పాతదేనని సైబర్ నిపుణులు అంటున్నారు.

అయితే సోషల్ మీడియాలో వినియోగదారుల సమాచార భద్రతపై సందేహాలకు ఇది నిదర్శనమని చెబుతున్నారు. అమెరికాకు చెందిన రెండున్నర కోట్లకు పైగా కస్టమర్ల సమాచారం ఆన్‌లైన్‌లో ఉన్నట్లు రెండేళ్ల క్రితం రీసెర్చర్స్ వెల్లడించారు. ఇప్పుడు లభ్యమైన సమాచారానికి దీనికి సంబంధం ఉందా అనేది ఇంకా తెలియాల్సి ఉంది.

గతంలో 87 మిలియన్‌ల ఫేస్‌బుక్ ఖాతాదారుల సమాచారం అక్రమంగా కేంబ్రిడ్జ్ అనలైటికా చేతికి వెళ్లింది. అప్రమత్తమైన ఈ సోషల్ మీడియా దిగ్గజం 2018లో ఓ కొత్త ఫీచర్‌ను అందుబాటులోకి తెచ్చింది. దీంతో ఫోన్ నెంబర్ ఆధారంగా కస్టమర్ల సమాచారం కనిపించకుండా చేసింది.