Large Cap Mutual Funds Vs Small Cap Mutual Funds: ప్రస్తుత పరిస్థితుల్లో లార్జ్ క్యాప్ ఫండ్లు బెటరా.. స్మాల్ క

గత కొన్నేళ్లుగా స్మాల్- మరియు మిడ్-క్యాప్ (SMID) స్టాక్స్ బలమైన పనితీరు కనబరిచాయి. అయితే కొత్తగా పెట్టుబడి పెట్టే ఇన్వెస్టర్లకు లార్జ్-క్యాప్ ఫండ్స్ మరింత ఆకర్షణీయంగా కనిపిస్తున్నాయని డీఎస్పీ మ్యూచువల్ ఫండ్ నేత్ర నివేదిక పేర్కొంది. ఈ రెండు విభాగాల మధ్య ఉన్న స్పష్టమైన అంతరాన్ని ఈ నివేదిక హైలైట్ చేస్తుంది. ప్రస్తుత సైకిల్‌లో స్మాల్ క్యాప్, మిడ్-క్యాప్ స్టాక్స్, లార్జ్-క్యాప్స్‌ను గణనీయంగా అధిగమించాయి. అయితే, చారిత్రాత్మకంగా చూస్తే, ఇలాంటి బలమైన పనితీరు కనబరిచిన కాలాలు నిరవధికంగా కొనసాగలేదు. మార్కెట్ పతనం సమయంలో బుల్ మార్కెట్ల సమయంలో తాము ఆర్జించిన అదనపు లాభాలలో అధిక భాగాన్ని స్మాల్ క్యాప్, మిడ్-క్యాప్స్ తిరిగి ఇచ్చేస్తాయని విశ్లేషించింది.

అందువల్ల ఇన్వెస్టర్లు ఇటీవలి రాబడుల వెంట పడకుండా సేఫ్టీ మార్జిన్‌పై దృష్టి పెట్టాలని ఈ నివేదిక సూచిస్తోంది. ప్రస్తుతం వాల్యుయేషన్లు కూడా లార్జ్-క్యాప్స్‌కు అనుకూలంగా ఉన్నాయి. సెప్టెంబర్ చివరి నాటికి నిఫ్టీ 50, దాని దీర్ఘకాలిక మధ్యస్థ విలువ అయిన 20.9 రెట్ల కంటే తక్కువగా, 19.26 రెట్ల ట్రెయిలింగ్ ప్రైస్-టు-ఎర్నింగ్స్ (P/E) నిష్పత్తితో ట్రేడ్ అవుతోంది. దీని ప్రైస్-టు-బుక్ (P/B) నిష్పత్తి 2.75 రెట్లుగా ఉంది, చారిత్రక మధ్యస్థం 3.5 రెట్లతో పోలిస్తే ఇది తక్కువ. ఈ నివేదిక లార్జ్-క్యాప్ వాల్యుయేషన్లను చౌకగా ఉన్నాయని పేర్కొంది. మిడ్, స్మాల్-క్యాప్ స్టాక్‌ల విషయంలో పరిస్థితి భిన్నంగా ఉంది.

నిఫ్టీ మిడ్‌క్యాప్ 150, 27.6 రెట్ల P/E, 4.11 రెట్ల P/B వద్ద ట్రేడ్ అవుతుండగా, నిఫ్టీ స్మాల్‌క్యాప్ 250, 33 రెట్ల P/E, 3.4 రెట్ల P/B వద్ద ఉంది. ఈ నివేదిక స్మాల్-క్యాప్ వాల్యుయేషన్లను ఇంకా అధికంగానే ఉన్నాయని పేర్కొంది. అయితే రిస్క్ వద్ద అనుకునే వారు లార్జ్ క్యాప్, ఇండెక్స్ ఫండ్లలో పెట్టుబడి పెట్టొచ్చని నిపుణులు సూచిస్తున్నారు. 5 నుంచి 10 సంవత్సరాలు పెట్టుబడి పెట్టాలనుకునేవారు స్మాల్, మిడ్ క్యాప్ స్టాక్ ల్లో పెట్టుబడి పెట్టొచ్చని పేర్కొంటున్నారు. అయితే పెట్టుబడిదారులు డైవర్సిఫికేషన్ పాటించాలని సూచిస్తున్నారు.

రూ.10000 పెట్టుబడి పెట్టాలనుకునేవారు అందులో రూ.3 వేల వరకు స్మాల్ క్యాప్, రూ.1000 మిడ్ క్యాప్, రూ.2 వేలు మల్టీ క్యాప్ లేదా ఫ్లెక్సీ క్యాప్ లో మిగతా మొత్తం లార్జ్ క్యాప్ లేదా ఇండెక్ ఫండ్లలో పెట్టుబడి పెట్టాలని సూచిస్తున్నారు. ప్రస్తుతానికి లార్జ్ క్యాప్ ఫండ్లు ఆకర్షణియంగా ఉన్నాయని చెబుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.