బడ్జెట్‌పై విద్యా రంగం అంచన.. ప్రత్యేక ప్రకటనలతో కేటాయింపులు పెంచే ఛాన్స్...

ఏ ప్రభుత్వ బడ్జెట్‌లోనైన విద్య, స్కిల్ డెవలప్మెంట్ అండ్ ఉపాధికి కీలక ప్రాధాన్యతలు ఉంటాయి. ప్రభుత్వం ప్రారంభించిన కొన్ని విద్యా పథకాలు మంచి పురోగతిలో ఉన్నాయి అలాగే బడ్జెట్ 2025 రోజు సమీపిస్తున్నందున విద్యార్థులందరూ ఈసారి బడ్జెట్‌లో విద్యా రంగానికి ఎం వరం ఇవ్వబోతున్నారో తెలుసుకోవాలనుకుంటున్నారు.

విద్యా బడ్జెట్ పెంపు అంచనా
గత కొన్నేళ్లుగా విద్యా బడ్జెట్‌లో నిరంతర పెరుగుదల ఉంది. 2024లో రూ.121117.77 కోట్లు, 2023లో రూ.112899.47 కోట్లు కాగా, స్కూల్ విద్యకు 2024లో రూ.73008 కోట్లు, 2023లో రూ.68804.85 కోట్లు, 2022లో రూ.63449.37 కోట్లు వచ్చాయి. ఈసారి కూడా విద్యార్థుల బడ్జెట్‌ను పెంచే అవకాశం ఉందని తెలుస్తుంది.

విద్యా రంగానికి నిపుణుల అభిప్రాయం
విద్యా రంగంపై LEO1 వ్యవస్థాపకుడు అండ్ మేనేజింగ్ డైరెక్టర్ రోహిత్ గజాబి ప్రకారం, 'రాబోయే బడ్జెట్ 2025 భారతదేశ విద్యా వ్యవస్థను బలోపేతం చేయడానికి ఒక ముఖ్యమైన అవకాశం, ముఖ్యంగా ఉన్నత విద్యపై దృష్టి పెట్టడం ద్వారా భారతదేశాన్ని గ్లోబల్ నాలెడ్జ్ హబ్‌గా మార్చడానికి, ఉన్నత విద్యా సంస్థలలో మౌలిక సదుపాయాలు, పరిశోధన అండ్ సాంకేతికతలో పెట్టుబడి అవసరం. దీనికి అదనంగా స్కిల్ డెవలప్మెంట్ కార్యక్రమాలకు అధిక నిధులు, పరిశ్రమతో సహకారం అండ్ ప్రభుత్వ-ప్రైవేట్ భాగస్వామ్యం ద్వారా ఆవిష్కరణలను ప్రోత్సహించడం విద్య, ఉపాధి మధ్య అంతరాన్ని తగ్గించగలవు. బడ్జెట్‌లో విద్యను అందుబాటులోకి తెచ్చి అందరికీ అందుబాటులో ఉండేలా సంస్కరణలు తీసుకురావాలని విద్యా రంగం భావిస్తోంది. దీంతో భారత యువత ప్రపంచ స్థాయిలో పోటీ పడగలగడంతో పాటు దేశ ప్రగతికి విశేషంగా తోడ్పడుతుంది. ఈ కార్యక్రమాలు భారతదేశాన్ని విజ్ఞాన ఆధారిత ఆర్థిక వ్యవస్థగా మార్చే దిశగా వేగంగా ముందుకు సాగుతాయి అని అన్నారు.

ఇతర పథకాలు ప్రారంభం పై అంచన
ఉన్నత విద్య కోసం రూ. 10 లక్షల వరకు రుణాల ద్వారా ఆర్థిక సహాయం అందించడానికి కేంద్ర బడ్జెట్ 2024 కింద PM విద్యాలక్ష్మి యోజన ప్రారంభించింది. అలాగే ఈసారి కూడా మరో పథకాన్ని ప్రారంభించే అవకాశం ఉందని భావిస్తున్నారు. అంతే కాకుండా, ఐదేళ్లలో భారతదేశంలోని అగ్రశ్రేణి కంపెనీలలో కోటి మంది యువతకు ఇంటర్న్‌షిప్ అవకాశాలు కల్పిస్తామని హామీ ఇచ్చారు, ఇందులో ప్రతినెల జీతం రూ. 5,000, ఏక మొత్తంలో రూ. 6,000 సహాయం ఉంది. ఇంటర్న్‌షిప్‌లకు సంబంధించి UGC అనేక కార్యక్రమాలు చేపట్టినప్పటికీ, పూర్తి అమలుకి ఇంకా పెండింగ్‌లోనే ఉంది. విద్యకు గత ఏడాది రూ.1.12 లక్షల కోట్ల కేటాయింపు డిజిటల్ లెర్నింగ్, వర్చువల్ ల్యాబ్‌లు అండ్ డిజిటల్ యూనివర్సిటీ చొరవకు ప్రాధాన్యతనిచ్చింది. ఈ సంవత్సరం కూడా ఈ రంగాన్ని ఆధునీకరించడానికి పెట్టుబడులను కొనసాగించాలని నిపుణులు పిలుపునిచ్చారు.