పిల్లలు కూడా పాకెట్ మనీతో SIPని స్టార్ట్ చేయవచ్చు.. జస్ట్ 5 - 15 ఏళ్ళకి ఎంత వస్తుందంటే?

SIP investment: ఈ రోజుల్లో ఎస్ఐపిలో పెట్టుబడులు వేగంగా పెరుగుతున్నాయి. మ్యూచువల్ ఫండ్లలో పెట్టుబడులు SIP ద్వారా జరుగుతాయి . సాధారణంగా, SIPలో పెట్టుబడి కనీసం రూ. 500 నుండి ప్రారంభమవుతుంది అలాగే గరిష్ట పెట్టుబడికి పరిమితి లేదు. కానీ కొంతకాలం క్రితం, SBI మ్యూచువల్ ఫండ్ స్టేట్ బ్యాంక్ ఆఫ్ ఇండియా (SBI) తో కలిసి జన్నివేష్(JanNivesh) అనే SIPని ప్రారంభించింది, దీనిలో మీరు కేవలం రూ.250 నుండి పెట్టుబడి పెట్టడం ప్రారంభించవచ్చు. ఇది చాలా చిన్న మొత్తం, పిల్లలు కూడా వారి పాకెట్ మనీతో ఇందులో పెట్టుబడి పెట్టవచ్చు. అయితే ఈ SIP గురించి మీరు తెలుసుకోవాలి...

డబ్బు ఎక్కడ పెట్టుబడి పెడతారు?
జన్నివేష్‌ SIP ద్వారా పెట్టుబడిదారుల డబ్బును SBI బ్యాలెన్స్‌డ్ అడ్వాంటేజ్ ఫండ్‌లో పెట్టుబడి పెడతారు. ఇది SBI మ్యూచువల్ ఫండ్ హైబ్రిడ్ పథకం. బ్యాలెన్స్‌డ్ అడ్వాంటేజ్ ఫండ్‌లో మార్కెట్ పరిస్థితులను బట్టి పెట్టుబడిదారుల డబ్బు ఈక్విటీ అండ్ డెబ్ట్ లో పెట్టుబడి పెట్టబడుతుంది. ఏ అసెట్ క్లాసెస్లో ఏ సమయంలో ఎంత డబ్బు పెట్టుబడి పెట్టాలనే నిర్ణయం పూర్తిగా ఫండ్ మేనేజర్ అభీష్టానుసారం ఉంటుంది. హైబ్రిడ్ ఫండ్లు మార్కెట్ రిస్క్‌ను తగ్గిస్తాయి. కాబట్టి, ఈ పథకం బ్యాలెన్స్డ్ రాబడిని అందించేదిగా పరిగణించబడుతుంది.

ఎలా పెట్టుబడి పెట్టాలి?
మీరు కూడా జన్నివేష్‌ యోజన కింద పెట్టుబడి పెట్టాలనుకుంటే, మీరు SBI YONO యాప్ ద్వారా పెట్టుబడి చేయవచ్చు. ఇది కాకుండా, మీరు Paytm, Zerodha ఇంకా Grow వంటి డిజిటల్ ఫిన్‌టెక్ ప్లాట్‌ఫామ్‌ల ద్వారా కూడా పెట్టుబడి పెట్టడం ప్రారంభించవచ్చు. SBI మ్యూచువల్ ఫండ్ పబ్లిక్ ఇన్వెస్ట్‌మెంట్ స్కీమ్‌లో మీరు ప్రతిరోజు, వారం ఇంకా ప్రతినెల SIP అప్షన్ ఉంటుంది. మీ సౌలభ్యం ప్రకారం మీరు కావాల్సింది సెలెక్ట్ చేసుకోవచ్చు.

5 సంవత్సరాలలో ఎంత రాబడి వస్తుంది?
ఈ పథకంలో నెలకు రూ.250 చొప్పున 5 సంవత్సరాలు పెట్టుబడి పెడితే మొత్తం పెట్టుబడి రూ.15,000 అవుతుంది. సగటున 12% రాబడితో మీరు 5 సంవత్సరాలలో రూ. 5,276 రాబడి లభిస్తుంది. ఈ విధంగా మీరు 5 సంవత్సరాలలో రూ. 20,276 పొదుపు చేయవచ్చు.

10-20 సంవత్సరాలలో ఎంత రిటర్న్ వస్తుంది?
మీరు 10 సంవత్సరాల పాటు ప్రతి నెలా రూ. 250 డిపాజిట్ చేస్తే, మీ మొత్తం పెట్టుబడి రూ. 30,000 అవుతుంది. 12 శాతం రేటుతో, మీకు రూ.26,009 రిటర్న్ లభిస్తుంది ఇంకా మీ డిపాజిట్ మొత్తం రూ.56,009 అవుతుంది. 20 సంవత్సరాలు కొనసాగితే మొత్తం పెట్టుబడి రూ. 60,000 అవుతుంది. 12 శాతం రేటుతో రూ.1 లక్ష 69 వేల 964 రాబడి లభిస్తుంది. 20 సంవత్సరాలలో మొత్తం రూ. 2 లక్షల 29 వేల 964 జమ అవుతుంది.

ఈ విషయాలు గుర్తుంచుకోండి
మ్యూచువల్ ఫండ్ పథకాలు స్టాక్ మార్కెట్‌తో ముడిపడి ఉన్నందున రిటర్న్స్ హామీ ఇవ్వలేము. SIP సగటు రాబడి 12 శాతం ఉంటుందని నమ్ముతారు. కాబట్టి, ఈ లెక్క 12 శాతం రిటర్న్ ఆధారంగా జరిగింది. స్టాక్ మార్కెట్ పరిస్థితులను బట్టి ఇది ఎక్కువ లేదా తక్కువ కావచ్చు.

( గమనిక - ఇది కేవలం సాధారణ సమాచారం అంతే. పెట్టుబడి సలహా కాదు. మ్యూచువల్ ఫండ్లలో పెట్టుబడి స్టాక్ మార్కెట్ నష్టాలకు లోబడి ఉంటుంది. ఏదైనా పెట్టుబడి పెట్టే ముందు ఈ రంగంలో పరిజ్ఞానం ఉన్న లేదా నిపుణుడిని సంప్రదించడం అవసరం.)

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.