ఎథేరియం మార్కెట్ క్యాప్ భారీగా జంప్, బిట్ కాయిన్‌లో సగం

క్రిప్టోకరెన్సీ ఎథేరియం మార్కెట్ క్యాపిటలైజేషన్ ఇటీవల భారీగా పెరిగింది. దీంతో ఏకంగా ప్రపంచ అతిపెద్ద డిజిటల్ కరెన్సీ బిట్ కాయిన్ వ్యాల్యూలో సగానికి చేరుకుంది. వీటి ఆస్తుల మధ్య సగటు నిష్పత్తి 0.08 శాతంగా ఉంది. సమీప భవిష్యత్తులో ఎథేరియం క్రిప్టో బిట్ కాయిన్‌ను క్రాస్ చేసి ప్రపంచ అతిపెద్ద క్రిప్టోకరెన్సీగా మారుతుందని భావిస్తున్నారు. ఇటీవలి కాలంలో బిట్ కాయిన్ కంటే ఎథేరియం ఎగిసిపడుతోంది.

బిట్ కాయిన్ గత నెలలో ఓ సమయంలో 64వేల డాలర్లను క్రాస్ చేసింది. ఆ తర్వాత ఇప్పుడు 48వేల డాలర్లకు పడిపోయింది. టెస్లా అధినేత ఎలాన్ మస్క్ ట్వీట్ అనంతరం బిట్ కాయిన్ వ్యాల్యూ భారీగా పతనమైంది. అదే సమయంలో డోజికాయిన్ వ్యాల్యూ పెరిగింది.

ప్రస్తుతం సెకండ్ లార్జెస్ట్ క్రిప్టోకరెన్సీ ఎథేరియం మార్కెట్ క్యాపిటలైజేషన్ 478.5 బిలియన్ డాలర్లుగా ఉంది. ఎథేరియం ఇటీవల 4 వేల డాలర్లను క్రాస్ చేసింది. బిట్ కాయిన్ ఆల్ టైమ్ గరిష్టం నుండి 20 శాతం కంటే పైగా తక్కువగా ఉంది. బిట్ కాయిన్ మార్కెట్ క్యాప్ ప్రస్తుతం 41 శాతంగా ఉంది.