వడ్డీ రేటుపై EPFO కీలక ​​నిర్ణయం; ఉద్యోగులకు రిలీఫ్.. డిపాజిట్లపై 8.25 శాతం..

తాజగా 2024-25 ఆర్థిక సంవత్సరానికి పీఎఫ్‌పై 8.25% వడ్డీ ఇవ్వాలని ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌ఓ) నిర్ణయించింది. వడ్డీ రేటును 8.25% వద్ద స్థిరంగా ఉంచడం ఇది వరుసగా రెండో సంవత్సరం. అంటే 7 కోట్లకు పైగా పీఎఫ్‌ ఖాతాదారులకు గత సంవత్సరంలాగానే వడ్డీ లభిస్తుంది.

PF వడ్డీ రేటు ఏ సంవత్సరంలో ఎంత అంటే ?
EPF వడ్డీ రేట్లు గత కొన్ని సంవత్సరాలుగా హెచ్చుతగ్గులను చూస్తున్నాయి. అయితే ఏ సంవత్సరంలో ఎంత ఉందో చూస్తే
*2023-24: 8.25%
*2022-23: 8.15%
*2021-22: 8.1% (గత 40 ఏళ్లలో అత్యల్పం)
*2020-21: 8.5%
*2019-20: 8.5%
*2018-19లో 8.65%

2016-17లో EPFO ​ 8.65 శాతం వడ్డీ రేటును, 2017-18లో 8.55 శాతం వడ్డీ రేటును అందించింది. అలాగే 2015-16లో వడ్డీ రేటు 8.8 శాతంగా కాస్త పెరిగింది. అంతకుముందు ఏడాది 2013-14 అలాగే 2014-15 సంవత్సరాల్లో 8.75 శాతం వడ్డీని చెల్లించింది, ఇది 2012-13లో 8.5 శాతం కంటే ఎక్కువ. 2011-12లో వడ్డీ రేటు 8.25 శాతంగా ఉంది. EPFO అత్యున్నత నిర్ణయాధికార సంస్థ అయిన సెంట్రల్ బోర్డ్ ఆఫ్ ట్రస్టీస్ (CBT) ఈ నిర్ణయాన్ని ఆమోదించింది. ఇప్పుడు ఈ ప్రతిపాదన ఆర్థిక మంత్రిత్వ శాఖకు పంపుతుంది, అక్కడ ఆమోదం తర్వాత వడ్డీ మొత్తం కస్టమర్ల PF అకౌంటుకు బదిలీ అవుతుంది.

ఈ నిర్ణయం ఉద్యోగులపై ప్రభావం
ఈసారి EPFO వడ్డీ రేటును పెంచలేదు అలాగే ఎలాంటి తగ్గింపు కూడా చేయలేదు. ఆర్‌బిఐ రెపో రేటును తగ్గించిన తర్వాత ఇపిఎఫ్‌ఓ కూడా వడ్డీ రేట్లను కొద్దిగా తగ్గించవచ్చని భయపడ్డారు. ఇలాంటి పరిస్థితిలో వడ్డీ రేట్లను స్థిరంగా ఉంచడం కూడా కోట్లాది మంది ఉద్యోగులకు ఉపశమనం కలిగించే నిర్ణయం. గత కొన్ని సంవత్సరాలుగా వడ్డీ రేట్లు తగ్గినప్పటికీ, ప్రస్తుత ఆర్థిక పరిస్థితిలో 8.25% రేటు ఇప్పటికీ సంతృప్తికరమైన రాబడిగా పరిగణించవచ్చు.

EPF అనేది ఉద్యోగుల కోసం ఒక సేవింగ్స్ స్కిం. దీని ద్వారా ఉద్యోగుల భవిష్యత్తును సురక్షితంగా ఉంచడానికి సహాయపడుతుంది. EPFలో ఉద్యోగి, యజమాని ఇద్దరూ సమానంగా డబ్బును జమ చేస్తారు. ఈ డబ్బుకు ప్రభుత్వం నిర్ణయించిన వడ్డీ రేటు ప్రకారం వడ్డీ లభిస్తుంది. EPF అకౌంట్ నుంచి డబ్బును కొన్ని పరిస్థితుల్లో మాత్రమే విత్‌డ్రా చేసుకోవచ్చు.