ఈపిఎఫ్ఒ కస్టమర్లకు గుడ్ న్యూస్.. ఇక ఫిక్స్డ్ వడ్డీ రేట్ల కోసం కొత్త ఫండ్.. త్వరలోనే నిర్ణయం

మీరు ఉద్యోగం చేస్తున్నారా... మీ జీతం నుండి PF కట్ అవుతుందా... అయితే ఈ వార్త మీకోసమే. ఉద్యోగుల భవిష్య నిధి సంస్థ (EPFO) కోట్లాది మంది కస్టమర్లకు ఫిక్స్డ్ వడ్డీ రేట్లను అందించడానికి కొత్త రిజర్వ్ ఫండ్ సృష్టించాలని యోచిస్తోంది. ఈ నిర్ణయం PF కస్టమర్లకు ప్రతి సంవత్సరం ఫిక్స్డ్ వడ్డీని పొందేందుకు వీలు కల్పిస్తుంది అలాగే స్టాక్ మార్కెట్‌లోని హెచ్చుతగ్గుల నుండి రిలీఫ్ కూడా కలిగిస్తుంది. ఈ ఫండ్ రూపొందించడానికి కార్మిక అండ్ ఉపాధి మంత్రిత్వ శాఖ అలాగే EPFO ​​అధికారులు ఇంటర్నల్ అధ్యయనం నిర్వహిస్తున్నారు. ఈ PF ఫండ్ నుండి ఒక ఫిక్స్డ్ మొత్తాన్ని EPFO ​​స్టాక్ మార్కెట్లో పెట్టుబడి పెడుతుంది.

చాలా సార్లు EPFO ​​ఎక్స్ఛేంజ్-ట్రేడెడ్ ఫండ్స్ (ETFలు) అండ్ ఇతర పెట్టుబడులపై తక్కువ రాబడి పొందుతుంది. EPFO ఖాతాదారులు కూడా దీని భారాన్ని భరించాల్సి ఉంటుంది. స్టాక్ మార్కెట్ పడిపోయినప్పుడు, అది EPFO ​​పెట్టుబడులపై వచ్చే మొత్తాన్ని కూడా ప్రభావితం చేస్తుంది. తక్కువ రాబడి కారణంగా EPFO ​​కూడా PF పై వడ్డీ రేటును తగ్గించాల్సి వచ్చింది. ఇటువంటి సమస్యలను నివారించడానికి EPFO ​​ఒక రిజర్వ్ ఫండ్‌ను సృష్టించడాన్ని పరిశీలిస్తోంది, ఇది పెట్టుబడులపై రాబడిని స్థిరంగా ఉంచుతుంది. దీనివల్ల స్టాక్ మార్కెట్ పరిస్థితి ఎలా ఉన్నా, పీఎఫ్ ఖాతాదారులు ప్రతి సంవత్సరం ఫిక్స్డ్ వడ్డీని పొందేందుకు వీలు కలుగుతుంది.

హిందూస్తాన్ వెబ్‌సైట్‌లో వచ్చిన ఒక నివేదిక ప్రకారం ఈ పథకం కింద ఏటా వచ్చే వడ్డీలో కొంత భాగాన్ని EPFO ​​పక్కన పెట్టి రిజర్వ్ ఫండ్‌లో జమ చేస్తుంది. స్టాక్ మార్కెట్ క్షీణించి పెట్టుబడి రాబడి తక్కువగా ఉన్నప్పుడు వడ్డీ రేట్లను స్థిరంగా ఉంచడానికి ఈ ఫండ్ ఉపయోగిస్తుంది. అందువల్ల ఏడు కోట్లకు పైగా EPFO ​​ఖాతాదారులు దీని నుండి ప్రయోజనం పొందుతారు.

చివరి నిర్ణయం ఎప్పుడు తీసుకుంటారు?
ఈ ప్లాన్ ప్రస్తుతం ప్రారంభ దశలోనే ఉంది. ఈ పథకాన్ని కార్మిక ఇంకా ఉపాధి మంత్రిత్వ శాఖ అలాగే EPFO ​​అధికారులు ప్రస్తుతం అధ్యయనం చేస్తున్నారు. దీనిపై తుది నిర్ణయం రాబోయే నాలుగు నుండి ఆరు నెలల్లో తీసుకోవచ్చు. ఇదిలా ఉండగా 1952-53లో EPFO ​​ప్రారంభించినప్పుడు PFపై కేవలం 3 శాతం వడ్డీ మాత్రమే లభిస్తోంది. 1989-90 నాటికి 12 శాతానికి పెరిగింది, ఇది 2000-01 వరకు అలాగే ఉంది. ఆ తర్వాత దానిని ఎప్పటికప్పుడు మార్చారు. ప్రస్తుతం, 2023-24 సంవత్సరానికి EPFO ​​వడ్డీ రేటు 8.25 శాతంగా ఉంది.

ఫిబ్రవరి 28న ఒక ముఖ్యమైన సమావేశం
2024-25 ఆర్థిక సంవత్సరానికి PF వడ్డీ రేటును నిర్ణయించడానికి EPFO ​​సెంట్రల్ బోర్డ్ ఆఫ్ ట్రస్టీస్ (CBT) ఫిబ్రవరి 28న సమావేశం కానుంది. ఈ సమావేశంలో వడ్డీ రేట్లను స్థిరంగా ఉంచడం లేదా స్వల్పంగా పెంచడం గురించి చర్చించవచ్చు. అయితే వడ్డీ రేట్లు తగ్గించే అవకాశాలు చాలా తక్కువగా ఉన్నాయని చెబుతున్నారు.