EPFO News: ఉద్యోగ భవిష్యనిధి ఖాతాదారులకు షాక్.. ఇకపై ఆ సర్వీస్ క్లోజ్..!!

EPFO Alert: ప్రస్తుతం ప్రైవేటు లేదా ప్రభుత్వ యాజమాన్యంలోని కంపెనీల్లో పనిచేసే ఉద్యోగులకు ఖచ్చితంగా EPFO ఖాతా ఉంటుందని మనందరికీ తెలుసు. దీనిని వాస్తవాని ఉద్యోగి భద్రత కోసం ఏర్పాటు చేయబడింది.

ఎంప్లాయీస్ ప్రావిడెంట్ ఫండ్ ఆర్గనైజేషన్ తాజాగా కొవిడ్-19 పేరుతో డబ్బు ఉపసంహరణ సౌకర్యాన్ని మూసివేసింది. 2020లో ప్రపంచాన్ని చుట్టేసిన కరోనా మహమ్మారి ప్రజలను గడగడలాడించింది. ఆ సమయంలో చాలా మంది వైరస్ బారిన పడి ఆసుపత్రుల పాలయ్యారు. దీంతో EPF ఖాతా నుంచి రెండు అడ్వాన్సులను ఎంచుకోవడానికి వెసులుబాటు కల్పించబడింది.

మహమ్మారి సమయంలో సభ్యుల ఆర్థిక అవసరాలను తీర్చడానికి ప్రత్యేక ఉపసంహరణ నిబంధనను మార్చి 2020లో ప్రధాన మంత్రి గరీబ్ కళ్యాణ్ యోజన(PMGKY) కింద ప్రవేశపెట్టారు. దీని కింద వారి ఖాతాలోని మెుత్తంలో 75 శాతం వరకు సొమ్మును విత్ డ్రా చేసుకునేందుకు అవకాశం లభించింది. ఇందుకోసం కార్మిక అండ్ ఉపాధి మంత్రిత్వ శాఖ అవసరమైన చట్టసవరణను అప్పట్లో చేసింది. అయితే ప్రస్తుతం కరోనా పరిస్థితులు పూర్తిగా సర్థుమణగటంతో అడ్వాన్స్ మంజూరును నిలిపివేసింది.

EPFO అనేది రిటైర్మెంట్ ఫండ్ బాడీ. ఇందులో ఉద్యోగులు, యజమానులు ఇద్దరూ బేసిక్ జీతం, డియర్‌నెస్ అలవెన్స్‌లో 12 శాతాన్ని అందించాల్సి ఉంటుంది. ఇది పన్ను ఆదా చేసే సాధనంగా మాత్రమే కాకుండా పెట్టుబడులపై అధిక వడ్డీ రేట్లను కూడా అందిస్తుంది. అక్టోబర్‌లో 15.29 లక్షల మంది సభ్యులను EPFO కొత్తగా చేర్చుకుంది.