యూపీఐ ద్వారా PF డబ్బులు ఎలా విత్ డ్రా చేసుకోవాలి.. ఉద్యోగులు తప్పక తెలుసుకోవాల్సిన పూర్తి గైడ్ ఇదిగో..

ఉద్యోగుల ప్రావిడెంట్ ఫండ్ సంస్థ (EPFO) తమ కుటుంబ సభ్యులకు గుడ్ న్యూస్ తెలిపింది. ఇప్పటివరకు పీఎఫ్ (PF) డబ్బు ఉపసంహరణ అంటే బ్యాంక్ వివరాలు, చెక్, ఆన్‌లైన్ క్లెయిమ్‌లు, కొన్నిసార్లు ఎక్కువ సమయం తీసుకునే ప్రక్రియగా ఉండేది. అయితే 2026 ఏప్రిల్ నుంచి EPFO మొబైల్ యాప్ ద్వారా UPI ఉపయోగించి నేరుగా PF డబ్బును ఉపసంహరించుకునే సదుపాయం అందుబాటులోకి రానుంది. ఇది EPFO చేపడుతున్న డిజిటల్ సంస్కరణల్లో మరో కీలక అడుగుగా భావిస్తున్నారు.

దేశవ్యాప్తంగా కోట్లాది మంది ఉద్యోగులు EPFO సభ్యులుగా ఉన్నారు. అత్యవసర పరిస్థితుల్లో లేదా ఉద్యోగ మార్పు సమయంలో PF డబ్బు త్వరగా అవసరమవుతుంది. ప్రస్తుతం ఉన్న వ్యవస్థలో క్లెయిమ్ ప్రాసెస్ పూర్తయ్యేందుకు కొన్ని రోజులు లేదా వారాలు పట్టే పరిస్థితి ఉంది. అయితే కొత్తగా రానున్న UPI ఆధారిత ఉపసంహరణ విధానం వల్ల డబ్బు నేరుగా, వేగంగా, పేపర్‌లెస్‌గా సభ్యుల ఖాతాల్లోకి చేరే అవకాశం ఉంటుంది.

Photo Credit:

AI

కొత్త విధానం అమలులోకి వచ్చిన తర్వాత.. EPFO మొబైల్ యాప్‌లో ప్రత్యేకంగా UPI Withdrawal లేదా Instant PF via UPI అనే ఆప్షన్ అందుబాటులోకి వస్తుంది. సభ్యులు తమ UPI ID (PhonePe, Google Pay, Paytm లేదా ఇతర యాప్‌లకు లింక్ అయినది)ను EPFO ఖాతాతో అనుసంధానం చేసుకోవాలి.

ఒక్కసారి లింక్ అయిన తర్వాత:
ఉపసంహరించాల్సిన మొత్తం ఎంచుకోవాలి
ఆధార్ ఆధారిత OTP ద్వారా ధృవీకరణ పూర్తి చేయాలి
ధృవీకరణ పూర్తయ్యాక PF డబ్బు నేరుగా UPI ద్వారా సభ్యుడి ఖాతాలోకి జమ అవుతుంది

ప్రారంభ దశలో ఈ సేవను KYC పూర్తిగా అప్‌డేట్ చేసిన EPFO సభ్యులకు మాత్రమే అందించే అవకాశం ఉంది. ఆధార్, పాన్, బ్యాంక్ ఖాతా వివరాలు EPFO రికార్డుల్లో సరిగా ఉండాలి. అలాగే, మొబైల్ నంబర్ ఆధార్‌తో లింక్ అయి ఉండటం తప్పనిసరి.

ప్రాథమిక సమాచారం ప్రకారం మొదటగా చిన్న మొత్తాలకు (partial withdrawal)ఈ సదుపాయం అందుబాటులోకి రావచ్చు. అత్యవసర అవసరాలు, వైద్య ఖర్చులు లేదా ప్రత్యేక సందర్భాల కోసం PFలోని ఒక భాగాన్ని UPI ద్వారా తీసుకునే వీలుంటుంది. పూర్తిస్థాయి ఉపసంహరణకు ప్రస్తుతం ఉన్న విధానాలే కొనసాగవచ్చు.

ఈ కొత్త వ్యవస్థ వల్ల సభ్యులకు లాభాలు:

క్లెయిమ్ ప్రాసెసింగ్ సమయం గణనీయంగా తగ్గుతుంది

బ్యాంక్ వివరాల తప్పిదాల వల్ల వచ్చే ఆలస్యాలు తగ్గుతాయి
పూర్తిగా డిజిటల్, పేపర్‌లెస్ విధానం అమలవుతుంది
అత్యవసర పరిస్థితుల్లో తక్షణ ఆర్థిక సహాయం లభిస్తుంది

UPI ద్వారా PF ఉపసంహరణ అనేది EPFOను పూర్తిగా డిజిటల్ ప్లాట్‌ఫామ్‌గా మార్చే దిశలో మరో పెద్ద అడుగు. ఇప్పటికే ఆన్‌లైన్ క్లెయిమ్‌లు, ఆటో-సెట్టిల్‌మెంట్ వంటి సౌకర్యాలు అందుబాటులో ఉండగా, ఇప్పుడు UPI ఇంటిగ్రేషన్‌తో EPFO సేవలు మరింత వేగంగా, సులభంగా మారనున్నాయి. ఏదేమైనా ఏప్రిల్ నుంచి అమలులోకి రానున్న ఈ UPI ఆధారిత PF ఉపసంహరణ విధానం ఉద్యోగులకు నిజమైన గేమ్‌చేంజర్‌గా మారే అవకాశం ఉంది