పెళ్లి, చదువు, ఇల్లు, అనారోగ్యం కోసం PF నుండి ఎన్నిసార్లు డబ్బు విత్‌డ్రా చేసుకోవచ్చు..

EPF Withdrawal Rules Explained: ఉద్యోగుల భవిష్య నిధి సంస్థ (EPFO) పీఎఫ్ (PF) చందాదారులకు భారీ ఊరటనిస్తూ ముందస్తు విత్‌డ్రా (అడ్వాన్స్) నిబంధనలలో కీలక మార్పులు చేసింది. ఇకపై ఉద్యోగులు కనీసం 12 నెలల (ఒక సంవత్సరం) సర్వీసు పూర్తి చేసిన తర్వాత తమ పీఎఫ్ ఖాతా నుండి ముందస్తు మొత్తాన్ని విత్‌డ్రా చేసుకునే వెసులుబాటు కల్పించారు. చందాదారుల సౌలభ్యం కోసం డబ్బు విత్‌డ్రా చేసుకునే విధానాలను మరింత సరళీకరించి.. వివిధ అవసరాల కోసం స్పష్టమైన పరిమితులను నిర్దేశించారు.

కనీసం 12 నెలల సర్వీసు పూర్తి చేసుకున్న చందాదారులు, తమ మొత్తం PF బ్యాలెన్స్‌లో 75% వరకు ముందస్తుగా విత్‌డ్రా చేసుకోవచ్చు. ఈ మొత్తంలో ఉద్యోగి మరియు యాజమాన్యం (కంపెనీ) చేసిన చెల్లింపులతో పాటు, వాటిపై జమ అయిన వడ్డీ కూడా వర్తిస్తుంది.

కొత్త నిబంధనల ప్రకారం ఏయే అవసరాలకు ఎన్నిసార్లు డబ్బు తీసుకోవచ్చంటే:

వైద్య చికిత్స: మీకు లేదా మీ కుటుంబ సభ్యుల అనారోగ్యం కోసం ఎలాంటి పరిమితి లేకుండా (అపరిమితంగా) ఎన్నిసార్లు అయినా పీఎఫ్ నుండి డబ్బు విత్‌డ్రా చేసుకోవచ్చు.
చదువులు: మీ లేదా మీ పిల్లల విద్య కోసం మొత్తం ఉద్యోగ కాలంలో గరిష్టంగా 10 సార్లు విత్‌డ్రాయల్స్ అనుమతించబడతాయి.
వివాహం: స్వయంగా మీ వివాహం, పిల్లలు లేదా తోబుట్టువుల పెళ్లిళ్ల కోసం మొత్తం ఉద్యోగ జీవితంలో గరిష్టంగా 5 సార్లు డబ్బు తీసుకోవచ్చు.
గృహ నిర్మాణం: కొత్త ఇల్లు, స్థలం కొనుగోలు చేయడానికి, ఇల్లు కట్టుకోవడానికి, హోమ్ లోన్ తిరిగి చెల్లించడానికి లేదా ఇంటి పునరుద్ధరణ కోసం 5 సార్లు విత్‌డ్రా చేసుకోవచ్చు.
ప్రత్యేక పరిస్థితులు: మహమ్మారి లేదా విపత్తుల వంటి అత్యవసర సమయాల్లో సంవత్సరానికి రెండు సార్లు డబ్బు పొందే అవకాశం ఉంది.

Also Read

PF ఖాతాదారులకు గుడ్‌న్యూస్.. UMANG యాప్‌లోనే UAN జనరేట్, PF బ్యాలెన్స్ చెక్, డబ్బులు విత్‌డ్రా..

ఎంత విత్‌డ్రా చేసుకోవచ్చు?
ఒక సంవత్సరం సర్వీసు పూర్తి చేసుకున్న ఉద్యోగులు తమ పీఎఫ్ బ్యాలెన్స్‌లో ఉద్యోగి, కంపెనీ వాటాలతో పాటు వాటిపై వచ్చిన వడ్డీ కలుపుకుని మొత్తం మొత్తంలో 75 శాతం వరకు ముందుగానే విత్‌డ్రా చేసుకోవచ్చు.

ఉపసంహరణ ప్రక్రియ ఎలా? ఈ నిధులను పొందడానికి ఈపీఎఫ్‌ఓ అధికారిక ఆన్‌లైన్ పోర్టల్ అయిన మెంబర్ ఇ-సేవా పోర్టల్ ద్వారా దరఖాస్తు చేసుకోవాలి. దరఖాస్తు చేయడానికి ముందు మీ యూఏఎన్ (UAN) నంబర్ యాక్టివ్‌గా ఉండటంతో పాటు ఆధార్, పాన్, మరియు బ్యాంక్ ఖాతా వివరాలతో కూడిన కేవైసీ (KYC) పూర్తిగా అప్‌డేట్ చేయబడిందని నిర్ధారించుకోవాలి.

డబ్బు విత్‌డ్రా చేసుకునే ప్రక్రియ (Withdrawal Process):
పీఎఫ్ నిధులను ఆన్‌లైన్ ద్వారా సులభంగా పొందడానికి క్రింది దశలను అనుసరించండి:

ఈపీఎఫ్‌ఓ అధికారిక ఆన్‌లైన్ పోర్టల్ అయిన మెంబర్ ఇ-సేవా పోర్టల్ (Member e-Sewa) ద్వారా దరఖాస్తు చేసుకోవాలి.

దరఖాస్తు సమర్పించే ముందు మీ UAN (యూనివర్సల్ అకౌంట్ నంబర్) యాక్టివ్‌గా ఉందో లేదో చూసుకోవాలి.

మీ KYC వివరాలు (ఆధార్ కార్డ్, పాన్ కార్డ్, సరైన బ్యాంక్ ఖాతా వివరాలు) పూర్తిగా అప్‌డేట్ చేయబడి ఉండటం తప్పనిసరి.