Cable TV: వినోదప్రియులకు బిగ్‌ షాక్‌.. ఓ రేంజ్‌లో కేబుల్‌ ఛార్జీల పెరుగుదల.. ఎంత, ఎప్పటినుంచి..

Monthly subscriptions: గతంలో తక్కువ ధరకు లభించిన టీవీ కేబుల్ కనెక్షన్.. ఇప్పుడు బాగా ప్రియమైంది. నెలనెలా పెద్దమొత్తంలో వెచ్చించాల్సి వస్తోంది. అయితే ఫిబ్రవరి 1 నుంచి ఈ విభాగంలో పలు మార్పులు జరగనున్నట్లు తెలుస్తోంది. ఎంటర్‌టైన్‌మెంట్‌ ప్రియులపై దీని ప్రభావం ఉండనున్నట్లు వార్తలు వస్తున్నాయి.

రోజువారీ పెరుగుతున్న ఖర్చులను తట్టుకుని సేవలు అందించాలంటే ధరలు పెంచక తప్పదని ప్రముఖ బ్రాడ్‌కాస్టర్స్ ప్రకటించాయి. ఈ ఖర్చుని కస్టమర్స్‌పై రుద్దేందుకు రెడీ అవుతున్నాయి. ఓవైపు ధరలు, మరోవైపు కంటెంట్ ఖర్చులు విపరీతంగా పెరిగిన తరుణంలో.. ఈ కఠిన నిర్ణయం తీసుకోక తప్పదని ఆయా సంస్థలు చెబుతున్నాయి.

ప్రముఖ సంస్థలు సోనీ పిక్చర్స్, జీ నెట్‌వర్క్.. పెరగనున్న ధరలపై ఇప్పటికే తమ ఖాతాదారులకు సమాచారం అందించాయి. వీటిలో క్రీడా వార్తలు ప్రసారం చేసే ఛానళ్లు తమ సబ్‌స్క్రిప్షన్‌ రేటును ఏకంగా 25 శాతానికి పెంచనున్నట్లు తెలిపాయి. ఇక మిగతా ప్లేయర్స్ ఈ ట్రెండ్‌పై ఎలా వ్యవహరిస్తారో వేచి చూడాల్సిందే.

ఛార్జీల పెంపుకు సంబంధించిన ప్రతిపాదనలను రిఫరెనస్ ఇంటర్‌ కనెక్ట్ ఆఫర్ (RIR)nలో మొదట ప్రచురించాల్సి ఉంటుంది. ఇది జరిగిన 30 రోజుల తర్వాత నుంచి పెరిగిన సబ్‌స్క్రిప్షన్ ఛార్జీలు అమల్లోకి వస్తాయి. అంటే ఫిబ్రవరి 1 నుంచి యూజర్లకు మోతమోగిపోద్ది అని అర్థం.