ELSS Mutual Funds: పన్ను మినహాయింపుతో పాటు రాబడి అందించే ఈఎల్ఎస్ఎస్ మ్యూచువల్ ఫండ్స్..

ఏప్రిల్ నెల సమిపిస్తుండడంతో చాలా మంది ఐటీ ఫైల్ చేస్తున్నారు. అయితే ఐటీ ఫైల్ చేసే వారు 80 సీ కింద మినహాయింపు పొందవచ్చు. అంటే పీపీఎఫ్, పోస్టాఫీస్ పథకాలు, ఎన్సూరెన్స్, ఈఎల్ఎస్ఎస్ మ్యూచువల్ ఫండ్లలో పెట్టుబడి పెట్టడం ద్వారా పన్ను మినహాయింపు పొందవచ్చు. అయితే ఎక్కువ రాబడి రావాలనుకున్న వారికి ఈఎల్ఎస్ఎస్ మ్యూచువల్ ఫండ్లు చక్కని ఎంపికగా నిపుణులు చెబుతున్నారు.

ఈఎల్ఎస్ఎస్ మ్యూచువల్ ఫండ్ ని అంటే ఈక్విటీ లింక్డ్ సేవింగ్ స్కీమ్ (ELSS) అంటారు. ఈఎల్ఎస్ఎస్ మ్యూచువల్ ఫండ్ల ఆదాయపు పన్ను చట్టంలోని సెక్షన్ 80 సి కింద రూ. 1.50 లక్షల వరకు పన్ను మినహాయింపు ఉంటుంది. "80C పన్ను మినహాయింపులు, ఈక్విటీ పెట్టుబడి, దీర్ఘకాలిక సంపద సృష్టించడానికి ELSS మ్యూచువల్ ఫండ్స్ పెట్టుబడి ఒక గొప్ప మార్గంగా చెబుతున్నారు. ఈఎల్ఎస్ఎస్ కేటగిరీ నుంచి సగటు 10-సంవత్సరాల వార్షిక రాబడి ఈ రోజు దాదాపు 16% ఉంది.

ELSS మీకు రూ. 1 లక్ష వరకు దీర్ఘకాలిక మూలధన లాభాలపై పన్ను మినహాయింపును కూడా అందిస్తుంది. ఈఎల్ఎస్ఎస్ మ్యూచువల్ ఫండ్ లో 3 సంవత్సరాల లాక్-ఇన్ పీరియడ్ ఉంటుంది. ఇందులో మీరు ఒకేసారి లేదా SIP ద్వారా డబ్బును డిపాజిట్ చేయవచ్చు.
మూడు సంవత్సరాల తర్వాత, మీరు మీ పెట్టుబడిని ఉపసంహరించుకోవచ్చు లేదా దానిని కొనసాగించవచ్చు. రూ. 500తో కూడా పెట్టుబడిని ప్రారంభించవచ్చు. గరిష్ట పెట్టుబడిపై పరిమితి లేదు.

3 సంవత్సరాల తర్వాత ELSS పథకాల నుండి నిష్క్రమిస్తే పన్ను ఆదా ఉంది. ఇందులో ఆదాయపు పన్ను సెక్షన్ 80C కింద గరిష్ట పరిమితి రూ. 1.5 లక్షల వరకు ఆదాయపు పన్ను మినహాయింపు లభిస్తుంది. మీరు పాత పన్ను విధానాన్ని ఎంచుకున్నట్లయితే మాత్రమే మీరు ఈ మినహాయింపు ప్రయోజనాన్ని పొందవచ్చు.

రిటర్న్‌లతో 3 సంవత్సరాలలో టాప్-5 ELSS మ్యూచువల్ ఫండ్‌లు

క్వాంట్ ELSS ట్యాక్స్ సేవర్ ఫండ్ 32.35%, HDFC ELSS ట్యాక్స్ సేవర్ ఫండ్ 25.02%, బంధన్ ELSS పన్ను సేవర్ ఫండ్
24.94%, SBI లాంగ్ టర్మ్ ఈక్విటీ ఫండ్ 24.71%, బ్యాంక్ ఆఫ్ ఇండియా ELSS ట్యాక్స్ సేవర్ ఫండ్ 23.88% అందించాయి.