Elon Musk: ట్రాన్స్‌జెండర్‌ గా మారిన ఎలాన్ మస్క్ కుమారుడు.. మస్క్ కు వ్యతిరేకంగా కోర్డుకు.. ఎందుకంటే..

Elon Musk: ప్రపంచ కుబేరుడు, ప్రముఖ వ్యాపార వేత్త ఎలాన్ మస్క్ మరో సారి వార్తల్లో నిలిచారు. ఈ సారి అందుకు కారణం అతని కుమారుడు కావటం విశేషం. ఎలాన్‌ మస్క్‌ మొదటి భార్య అయిన జస్టిన్‌ విల్సన్‌ కు 2008లో విడిపోయారు. వారికి 8 మంది సంతానం. అప్పట్లో వారికి ఐవీఎఫ్ విధానంలో కవలలు జన్మించారు. వారిలో ఒకరైన గ్జావియర్‌ అలెగ్జాండర్‌ మస్క్ సర్జరీ ద్వారా 'ట్రాన్స్‌జెండర్‌' గా మారాడు. తాజాగా తన పేరును వివియన్‌ జెన్నా విల్సన్‌గా మార్చుకోవటం జరిగింది. అయితే వీరి బాధ్యతలను తల్లిదండ్రులిద్దరూ విడిపోయినా సమానంగానే చూసుకుంటున్నట్లు తెలుస్తోంది. అసలు కథ ఇప్పుడే ప్రారంభమైంది.

తండ్రితో తెగదెంపులు..

తాజాగా 18 ఏళ్లు నిండగా.. తండ్రి ఎలాన్ మస్క్ తో తనకు ఎలాంటి సంబంధాలు వద్దంటూ కోర్టుకెక్కడం జరిగింది. లింగమార్పిడి చేసుకున్నాక కుమార్తె మార్చుకోవడానికి అభ్యర్థనను దాఖలు చేసింది. ఇదే సమయంలో.. "తాను ఇకపై నా జీవసంబంధమైన తండ్రితో ఏ విధంగా, ఆకారం లేదా రూపంలో జీవించను లేదా అతనితో సంబంధం కలిగి ఉండాలనుకోవటం లేదని తెలుస్తోంది." కొత్త లింగ గుర్తింపును ప్రతిబింబించే కొత్త జనన ధృవీకరణ పత్రం రెండింటి కోసం ఏప్రిల్‌లో శాంటా మోనికాలోని లాస్ ఏంజిల్స్ కౌంటీ సుపీరియర్ కోర్టులో పిటిషన్ దాఖలు చేసింది. తాజాగా కొన్ని ఆన్‌లైన్ మీడియా కథనాల్లో ఇది వెలుగులోకి వచ్చింది.

వెలుగులోకి వచ్చిందిలా..

PlainSite.org ద్వారా ఆన్‌లైన్‌లో అందుబాటులో ఉన్న కోర్టు పత్రాల ప్రకారం.. కాలిఫోర్నియాలో ఇటీవల 18 ఏళ్ల వయస్సు నిండిన మాజీ జేవియర్ అలెగ్జాండర్ మస్క్, తన లింగ గుర్తింపును మగ నుంచి ఆడగా మార్చాలన, తన కొత్త పేరును నమోదు చేసుకోవాలని కోర్టును కోరారు.ఆన్‌లైన్ డాక్యుమెంట్‌లో ఆమె కొత్త పేరు సవరించబడింది. ఆమె తల్లి, నటి జస్టిన్ విల్సన్ 2008లో మస్క్‌కి విడాకులు ఇచ్చింది. మస్క్ తో ఆమెకు ఉన్న వివాదాల గురించి పూర్తి వివరాలు తెలియరాలేదు. దీనికి సంబంధించి సమాచారం కోసం రాయిటర్స్ వార్తా సంస్థ టెస్లా మీడియా కార్యాలయం, మస్క్ న్యాయవాధికి మెయిల్ చేసినప్పటికీ ఎలాంటి రిప్లై రాలేదని తెలుస్తోంది.

ట్రాన్స్ జెండర్లకు మస్క్ మద్దతు..

మే నెలలో పేరు, లింగ మార్పు పత్రం దాఖలు చేయబడిన ఒక నెల తర్వాత, మస్క్ రిపబ్లికన్ పార్టీకి తన మద్దతును ప్రకటించారు. ఈ క్రమంలో ఎన్నికైన ప్రతినిధులు దేశవ్యాప్తంగా రాష్ట్రాల్లో లింగమార్పిడి హక్కులను పరిమితం చేసే చట్టానికి మద్దతు ఇచ్చారు. లింగమార్పిడి వ్యక్తులు తమ ప్రాధాన్య సర్వనామాలను ఎంచుకునే సమస్యపై మస్క్ దృష్టి సారించారు. 2020లో, "నేను ట్రాన్స్‌కు పూర్తిగా మద్దతు ఇస్తున్నాను, అయితే ఈ సర్వనామాలన్నీ() ఒక అందమైన పీడకల." అన్నారు.