US News: అమెరికాను వేధిస్తున్న కొత్త తలనొప్పి.. ఈసారి మనుషులను కాదు గుడ్లు అక్రమ రవాణా..!

Eggs Smuggling: అమెరికా అధ్యక్షుడు డొనాల్డ్ ట్రంప్ ప్రస్తుతం వాణిజ్య విషయంలో అగ్గిమీద గుగ్గిలం లాగా ఉన్నాయి. తమతో వ్యాపారం చేస్తూ తమ వస్తువుల దిగుమతిపై సుంకాలు విధిస్తున్న దేశాల పనిపట్టాలని నిర్ణయించారు. ఇప్పటికే ఆయన ఇండియా విషయంలో తన వైఖరిని వెల్లడిస్తూ ప్రపంచంలో అత్యధికంగా పన్నులు విధిస్తున్న దేశంగా కూడా అభివర్ణించారు. ఇక్కడ వ్యాపారాలు చేయటం అత్యంత కష్టతరమని ఆయన పేర్కొన్న సంగతి తెలిసిందే.

ఈ తరుణంలోనే అమెరికా కొత్త తలనొప్పులు చూస్తోంది. వివరాల్లోకి వెళితే ప్రస్తుతం పెరుగుతున్న ధరలతో పాటు ఏవియన్ ఫ్లూ ఆందోళనల మధ్య అమెరికాకు పౌల్ట్రీ ఉత్పత్తుల స్మగ్లింగ్ పెద్ద సమస్యగా మారింది. ఈ క్రమంలో యూఎస్ బోర్డర్ ఏజెంట్లు ఫెంటానిల్ కంటే ఎక్కువ అక్రమ గుడ్లను స్వాధీనం చేసుకుంటున్నారని తేలింది. అక్టోబర్ నుంచి యూఎస్ కస్టమ్స్ అండ్ బోర్డర్ ప్రొటెక్షన్ సరిహద్దులలో 3,768 పక్షులతో పాటు పౌల్ట్రీ సంబంధిత ఉత్పత్తులను స్వాధీనం చేసుకున్నట్లు వెల్లడించింది. ఇదే కాలంలో కేవలం 352 ఫెంటానిల్ సీజ్‌లు జరిగినట్లు డేటా ప్రకారం తెలుస్తోంది.

గత సంవత్సరంతో పోలిస్తే అక్రమంగా గుడ్లను అమెరికాలోకి తీసుకురావడానికి చేసే ప్రయత్నాలు దాదాపు 36% పెరుగుదలతో స్మగ్లింగ్ పెరుగుదల సమానంగా మారినట్లు నివేదిక తెలిపింది. ఉత్తర సరిహద్దులో డెట్రాయిట్ ఫీల్డ్ ఆఫీస్ ఇదే విధమైన 36% పెరుగుదలను నివేదించింది. అయితే మెక్సికోలోని టిజువానా సమీపంలోని శాన్ డియాగో ఫీల్డ్ ఆఫీస్ 158% పెరుగుదలను నమోదు చేసింది. ఒకపక్క ట్రంప్ కెనడా, మెక్సికోలతో వాణిజ్య యుద్ధాన్నికి తలుపలు తెరుస్తుండగా.. అక్రమ మాదకద్రవ్యాలు మరియు వలసలపై సరిహద్దు భద్రతా ఆందోళనలను ఆంక్షలను సమర్థిస్తున్న వేళ పెరుగుదల వచ్చింది. ముడి కోడి, ప్రాసెస్ చేయని పక్షి ఉత్పత్తులపై పరిమితుల మాదిరిగానే, వ్యాధుల కారణంగా అమెరికాలోకి తాజా గుడ్లను తీసుకురావడం నిషేధించబడింది.

ఫెంటానిల్ కంటే ప్రస్తుతం కెనడా నుండి యూఎస్‌లోకి ఎక్కువ గుడ్లు అక్రమంగా రవాణా అవుతున్నట్లు కనిపిస్తోంది. US డిపార్ట్‌మెంట్ ఆఫ్ జస్టిస్ గుడ్డు ఉత్పత్తిదారులు సరఫరాను పరిమితం చేయడం ద్వారా ధరలను కృత్రిమంగా పెంచారా అనే దానిపై దర్యాప్తు చేస్తోంది. 2025 ప్రారంభంలో గుడ్డు ధరలు డజనుకు $4.95 రికార్డు స్థాయికి చేరుకున్నాయి. ప్రస్తుతం అమెరికాలోని కొన్ని నగరాల్లో ధర డజను గుడ్లకు $10 వరకు ఉన్నాయి. ట్రంప్ పరిపాలన ధరల పెరుగుదలతో పాటు వైరస్ కొనసాగుతున్న వ్యాప్తి రెండింటినీ పరిష్కరించడానికి ఏవియన్ ఫ్లూ వ్యాక్సిన్ల జాతీయ నిల్వను పునర్నిర్మించడానికి కృషి చేస్తోంది. ఈ పరిస్థితులు అమెరికాకు కొత్త తిప్పలు తెచ్చిపెడుతున్నాయి.