చందా కొచ్చర్ కు మరో ఎదురు దెబ్బ .. దీపక్ కొచ్చర్ విజ్ఞప్తికి నో అన్న కోర్టు

ఐసిఐసిఐ వీడియోకాన్ రుణ కుంభకోణంలో ఆరోపణలు ఎదుర్కొంటున్న ఐసిఐసిఐ బ్యాంక్ మాజీ సీఈవో చందా కొచ్చర్ కు ముంబైలోని ప్రత్యేక కోర్టు మరోమారు షాక్ ఇచ్చింది. మనీలాండరింగ్ కేసులో అరెస్ట్ అయిన దీపక్ కొచ్చర్ చేసిన విజ్ఞప్తిని ముంబై నుండి ప్రత్యేక కోర్టు తిరస్కరించింది. ఒక ప్రైవేట్ ఆసుపత్రిలో పోస్ట్ కోవిడ్ -19 చికిత్స కోరుతూ ఐసిఐసిఐ బ్యాంక్ మాజీ సిఇఒ చందా కొచ్చర్ భర్త దీపక్ కొచ్చర్ చేసిన విజ్ఞప్తిని ముంబైలోని ప్రత్యేక కోర్టు తిరస్కరించింది.

ఐసిఐసిఐ బ్యాంక్-వీడియోకాన్ మనీలాండరింగ్ కేసుకు సంబంధించి దీపక్ కొచ్చర్ ను మనీలాండరింగ్ నిరోధక చట్టం (పిఎంఎల్‌ఎ) కింద ఎన్‌ఫోర్స్‌మెంట్ డైరెక్టరేట్ గత నెలలో అరెస్టు చేసింది. అరెస్టు చేసిన కొద్ది రోజుల తరువాత, దీపక్ కొచ్చర్ కరోనావైరస్ బారిన పడ్డారు. కోర్టు ఆదేశాల మేరకు ఆసుపత్రిలో చికిత్స పొందాడు. ఆయన ఇటీవల కరోనా పాజిటివ్ నుండి నుండి కోలుకున్నాడు . కరోనా నుంచి కోలుకున్న తరువాత మళ్లీ జ్యుడీషియల్ కస్టడీకి తరలించారు .

నవీ ముంబైలోని తలోజా జైలులో ప్రస్తుతం దీపక్ కొచ్చర్ ఉన్నారు.

జైలులో ఉన్న ఆయన కరోనా వైరస్ సంక్రమణ నేపథ్యంలో, ఆయన ఆరోగ్యంపై ఆందోళన చెందుతున్నారు. ఈ కారణంగా ఆయనను న్యాయవాది దీపక్ కొచ్చర్‌ను ప్రైవేట్ ఆసుపత్రికి మార్చాలని కోర్టుకు విజ్ఞప్తి చేశారు. అయితే ఆ విజ్ఞప్తిని ప్రత్యేక న్యాయమూర్తి ప్రశాంత్ పి రాజవైద్యా తిరస్కరించారు. వీడియోకాన్ గ్రూప్ ఆఫ్ కంపెనీలకు 81,875 కోట్ల రుణాలను అక్రమంగా మంజూరు చేసినందుకు చందా కొచ్చర్ మరియు దీపక్ కొచ్చర్ మరియు లావాదేవీలు నిర్వహించిన వీడియోకాన్ వ్యాపార సంస్థలపై మనీలాండరింగ్ కేసులు నమోదైన విషయం తెలిసిందే.