Paytm News: పేటీఎం వివాదంలోకి ఈడీ ఎంట్రీ.. గందరగోళంలో పెట్టుబడిదారులు..

ED on Paytm: ప్రస్తుతం పేటీఎం కంపెనీలో జరుగుతున్న వరుస పరిణామాలు కంపెనీ స్టేక్ హోల్డర్లను గందరగోళానికి గురిచేస్తున్నాయి. అయితే ఇది తీవ్ర పరిణామాలకు దారితీసే అవకాశాలు ప్రస్తుతం కనిపిస్తున్నాయని తెలుస్తోంది.

రెండు రోజుల కిందట రిజర్వు బ్యాంక్ అకస్మాత్తుగా పేటీఎంపై చర్యలు ప్రకటించటం పెద్ద చర్చకు దారితీసింది. రెగ్యులేటరీ నిర్లక్ష్యాలు జరిగినట్లు తేలటంతో తగిన తర్యలను ఆర్బీఐ ఇప్పటికే ప్రారంభించింది. దీనిని చాలా మంది స్టార్టప్ కంపెనీల సీఈవోలు ఖండించటం కొంత బీజేపీకి ఇబ్బందిని కలిగించిన సంగతి తెలిసిందే. నేరుగా విషయం ప్రధాని, ఆర్థిక మంత్రి నిర్మలమ్మ వంటి పెద్దలకు సైతం చేరటం తర్వాతి పరిణామాలపై ఉత్కంఠను రేకెత్తిస్తోంది.

అయితే పేటీఎం పేమెంట్స్ బ్యాంక్ విషయంలో ఏదైనా నిధుల అవకతవకలు, మనీలాండరింగ్ వంటివి ఉన్నాయా? అనే కోణంలో న్‌ఫోర్స్‌మెంట్ డైరెక్టరేట్(ED) పేటీఎం పేమెంట్స్ బ్యాంక్‌పై విచారణ జరుపుతుందని రెవెన్యూ కార్యదర్శి సంజయ్ మల్హోత్రా తెలిపారు. ఆర్బీఐ ద్వారా పేటీఎం విషయంలో మనీలాండరింగ్ విషయమై ఏదైనా ఆరోపణలు ఉంటే వాటిని సైతం ఈడీ దర్యాప్తు చేస్తుందని ఆయన వెల్లడించారు. అలాగే పేటీఎం ఫిన్‌టెక్ కొంతకాలంగా రెగ్యులేటర్‌లో క్రాస్-హెయిర్స్‌లో ఉంది.

ప్రముఖ పేమెంట్స్ చెల్లింపుల సౌకర్యాలు అందించే సంస్థ పేటీఎం పేమెంట్స్ బ్యాంక్ సేవలకు సంబంధించిన లైసెన్స్ వచ్చే నెల ప్రారంభంలో రద్దు చేయాలని ఆలోచిస్తున్నట్లు నివేదించబడింది. ఆర్‌బీఐ ముందుగా డిపాజిటర్లను కాపాడాలని కోరుకుంటోందని, పేటీఎం పేమెంట్స్ బ్యాంక్ కస్టమర్‌లు తమ సేవింగ్స్ ఖాతాలను లేదా ప్రముఖ డిజిటల్ పేమెంట్ వాలెట్‌ను తిరిగి నింపకుండా ఆపాల్సిన అవసరం వచ్చినప్పుడు ఫిబ్రవరి 29 గడువు తర్వాత చర్య తీసుకోవచ్చని తెలుస్తోంది.

ఈ వారం ఆర్బీఐ చాలా వరకు చెల్లింపుల బ్యాంక్ వ్యాపారాన్ని ఆకస్మికంగా నిలిపివేయడం ద్వారా ఫైనాన్స్ అండ్ టెక్ పరిశ్రమలను ఆశ్చర్యపరిచింది. అయితే లైసెన్స్ రద్దు మరింత తీవ్రమైన చర్యగా స్టార్టప్ కంపెనీలు, ఫిన్ టెక్ యజమానుల నుంచి వినిపిస్తోంది. ఇప్పటికే రెండు రోజుల్లో పేటీఎం స్టాక్ 40 శాతం క్షీణించగా రానున్న సోమవారం నాడు షేరు రేటు మరింతగా తగ్గే ప్రమాదం ఎక్కువగా కనిపిస్తోందని నిపుణులు ఆందోళన వ్యక్తం చేస్తున్నారు.