DoT: 6.80 లక్షల మొబైల్ కనెక్షన్లు ధ్రువీకరించాల్సిందే... డాట్ ఆదేశం..

దేశంలో దాదాపు 6.80 లక్షల మొబైల్ కనెక్షన్‌లను నకిలీ లేదా నకిలీ గుర్తింపు కార్డు (PoI) ప్రూఫ్ ఆఫ్ అడ్రస్ (PoA) KYC పత్రాలను ఉపయోగించి పొందినట్లు గుర్తించారు. ఆ మొబైల్ కనెక్షన్లను ధ్రువీకరించాలని టెలికాం శాఖ ఆపరేటర్లకు ఆదేశాలు జారీ చేసింది. ఈ మొబైల్‌ నంబర్లను రెండు నెలల్లో గుర్తించి వెంటనే రీ-వెరిఫికేషన్ చేయాలని స్పష్టం చేిసంది. లేదంటే వాటిని డిస్‌కనెక్ట్‌ చేస్తామని స్పష్టం చేసింది.

నకిలీ ధ్రువ పత్రాలతో తీసుకున్న మొబైల్ నంబర్లను గుర్తించేందుకు అధునాతన AI-ఆధారిత టెక్నాలజీని ఉపయోగించినట్లు టెలికాం శాఖ తెలిపింది. "అధునాతన AI- ఆధారిత విశ్లేషణ ద్వారా, డిపార్ట్మెంట్ ఆఫ్ టెలికమ్యూనికేషన్ దాదాపు 6.80 లక్షల మొబైల్ కనెక్షన్‌లను మోసపూరితమైనదని గుర్తించింది. PoI/PoA KYC పత్రాల సందేహాస్పదమైన వాస్తవికత ఈ మొబైల్ కనెక్షన్‌లను పొందేందుకు కల్పిత పత్రాలను ఉపయోగించాలని సూచిస్తుంది" అని DoT గురువారం ఒక ప్రకటనలో తెలిపింది. .

"గుర్తించిన మొబైల్ నంబర్‌లను 60 రోజులలోపు తిరిగి ధృవీకరించాలని టెలికాం సర్వీస్ ప్రొవైడర్లకు (TSPs) DoT ఆదేశాలు ఇచ్చాం. ఈ రీ-వెరిఫికేషన్ ప్రక్రియను పూర్తి చేయడంలో విఫలమైతే సంబంధిత మొబైల్ కనెక్షన్‌లు డిస్‌కనెక్ట్ చేస్తాం" అని DoT తెలిపింది. మార్చి 2024లో కమ్యూనికేషన్ల మంత్రిత్వ శాఖ సైబర్ నేరాలను ఎదుర్కోవడం, మోసపూరిత కమ్యూనికేషన్‌లను నివేదించడానికి పౌరులకు అధికారం కల్పించడం లక్ష్యంగా డిజిటల్ ఇంటెలిజెన్స్ ప్లాట్‌ఫాం, చక్షు సౌకర్యం అనే రెండు ప్లాట్‌ఫారమ్‌లను ప్రవేశపెట్టింది.

"ఈ మోసపూరిత కనెక్షన్‌లను గుర్తించడంలో వివిధ రంగాల మధ్య సహకారం, ఏఐ సాంకేతికత వినియోగం కీలకం, గుర్తింపు మోసాన్ని ఎదుర్కోవడంలో ఇంటిగ్రేటెడ్ డిజిటల్ ప్లాట్‌ఫారమ్‌ల ప్రభావాన్ని ప్రదర్శిస్తుంది" అని DoT తెలిపింది.