అస్సలు మర్చిపోవద్దు.. మార్చి 15 చివరి తేదీ.. గడువు పొడిగించిన ఈపిఎఫ్ఒ..

ఉద్యోగుల భవిష్య నిధి సంస్థ (EPFO) ఉద్యోగులకు పెద్ద రిలీఫ్ అందించింది. వాస్తవానికి EPFO ​​యూనివర్సల్ అకౌంట్ నంబర్ (UAN)ని యాక్టివేట్ చేయడానికి అలాగే బ్యాంక్ అకౌంటు ఆధార్‌తో లింక్ చేయడానికి గడువును మరోసారి పొడిగించింది. ఇప్పుడు ఈ ముఖ్యమైన పని వచ్చే నెల 15 మార్చి 2025లోగా చేయవచ్చు. UANని యాక్టివేట్ చేయడం వల్ల చాలా ప్రయోజనాలు ఉన్నాయి. అంతేకాదు ఇలా చేయడం ద్వారా EPFO అన్ని సేవలను ఆన్‌లైన్లో పొందవచ్చు.

సోషల్ మీడియా పోస్ట్ ద్వారా హెచ్చరిక
ఈ విషయానికి సంబంధించిన సమాచారాన్ని మంగళవారం EPFO ​​అధికారిక ట్విట్టర్ (ఇప్పుడు X) అకౌంట్లో ఒక పోస్ట్ ద్వారా షేర్ చేశారు. UAN యాక్టివేషన్ అండ్ ఆధార్ సీడింగ్ కోసం చివరి తేదీ ఫిబ్రవరి 15తో ముగిసిందని, కానీ దానిని మార్చి 15 వరకు పొడిగించారని పేర్కొంది. ఈ గడువును మరింత పొడిగించే అవకాశం చాలా తక్కువ. కాబట్టి, చివరి తేదీ వరకు వేచి ఉండకుండా ఈ పనిని త్వరగా చేయడం ముఖ్యం.

UAN యాక్టివేషన్ ఎందుకు అవసరం?
యూనివర్సల్ అకౌంట్ నంబర్ అంటే UAN అనేది 12 అంకెల నంబర్ అని గమనించాలి. దీని ద్వారా ఉద్యోగులు PF అకౌంట్ సంబంధించిన మొత్తం సమాచారాన్ని ట్రాక్ చేయవచ్చు. దీన్ని యాక్టివేట్ చేయడం ముఖ్యం ఎందుకంటే అప్పుడే ఉద్యోగులు EPFO ​​ఆన్‌లైన్ సర్వీసెస్ బెనిఫిట్స్ పొందవచ్చు. ఇందులో PF ఖాతా సమాచారం నుండి మీ పాస్‌బుక్ డౌన్‌లోడ్ చేసుకోవడం వరకు ప్రతిదీ ఉంటుంది. ఇది కాకుండా PF అకౌంట్లో జమ చేసిన డబ్బు విత్ డ్రా చేసుకోవడానికి లేదా PF ట్రాన్స్ఫర్ ఆన్‌లైన్ అప్లికేషన్ కూడా చేయవచ్చు.

UAN నంబర్‌ను యాక్టివేట్ చేసి ఆధార్‌ను బ్యాంక్ అకౌంటుతో లింక్ చేసిన తర్వాత ఉద్యోగులు ఎంప్లాయ్‌మెంట్ లింక్డ్ ఇన్సెంటివ్ స్కీమ్ (ELI స్కీమ్) ప్రయోజనాలను కూడా పొందవచ్చు. ఈ పథకం కింద కొత్త ఉద్యోగులను ప్రోత్సహించడానికి ప్రభుత్వం అనేక ప్రయోజనాలను అందిస్తుంది, ఇందులో ప్రోత్సాహకాలు కూడా ఉన్నాయి.

UANని యాక్టివేట్ చేయడం ఎలా?
*EPFO అఫీషియల్ వెబ్‌సైట్ epfindia.gov.inని ఓపెన్ చేయండి.
*ఇప్పుడు స్క్రీన్ ఎడమ వైపున ఉన్న సర్వీసెస్ విభాగంలోని ఫర్ ఎంప్లాయీస్‌పై క్లిక్ చేయండి.
*దీని తర్వాత పేజీలో కనిపించే మెంబర్ UAN ఆన్‌లైన్ సర్వీస్‌పై క్లిక్ చేయండి.
*కొత్త పేజీలో ముఖ్యమైన లింక్‌లో చూపించిన యాక్టివేట్ UAN పై క్లిక్ చేయండి.
*ఇప్పుడు 12 అంకెల UAN, ఆధార్ నంబర్, పేరు, పుట్టిన తేదీ, మొబైల్ నంబర్ అండ్ క్యాప్చా ఎంటర్ చేయాలి.
*డిక్లరేషన్ బాక్స్ పై క్లిక్ చేసి గెట్ ఆథరైజేషన్ పిన్ పై క్లిక్ చేయండి.
*ఆధార్‌తో లింక్ చేసిన మొబైల్ నంబర్‌కు OTP వస్తుంది, దానిని ఎంటర్ చేసి సబ్మిట్ పై క్లిక్ చేయండి.
*ఇలా చేయడం ద్వారా UAN యాక్టివేట్ అవుతుంది అండ్ మీ మొబైల్‌కు పాస్‌వర్డ్ వస్తుంది.
*ఇప్పుడు UAN ఇంకా పాస్‌వర్డ్ ఎంటర్ చేసిన తర్వాత చూపించిన క్యాప్చా కోడ్‌ను నింపి లాగిన్ అవ్వాలి.