సామాన్యులకు షాక్, డొమెస్టిక్ ఎల్పీజీ సిలిండర్ ధర రూ.50 పెంపు

గ్యాస్ వినియోగదారులకు భారీ షాక్. ఈ నెల ప్రారంభంలో కమర్షియల్ సిలిండర్ ధరలు పెంచిన చమురు రంగ సంస్థలు నేడు (శనివారం, 7, 2022) సామాన్యులకు షాకిచ్చాయి. గృహ వినియోగ 14.2 కిలోల గ్యాస్ సిలిండర్ ధరను రూ.50 పెంచుతూ నిర్ణయం తీసుకున్నాయి. పెరిగిన ధరతో సిలిండర్ ధర రూ.1052కు చేరింది. పెంచిన ధర వెంటనే అమల్లోకి వస్తుంది.

14.2 కిలోల నాన్-సబ్సిడైజ్డ్ సిలిండర్ ధర ఢిల్లీలో ప్రస్తుతం రూ.999.50గా ఉంది. ఇది రూ.1052.50కి చేరుకుంది. పందొమ్మిది కిలోల కమర్షియల్ సిలిండర్ ధర ఇటీవల పెరిగింది. ఈ నెల 1వ తేదీన పెరిగిన ధరతో హైదరాబాద్‌లో కమర్షియల్ సిలిండర్ ధర రూ.2460 నుండి రూ.2563.50కి చేరుకుంది.

ఐదు రాష్ట్రాల ఎన్నికల ఫలితాల అనంతరం చాలా రోజులు స్థిరంగా ఉన్న పెట్రోల్, డీజిల్ ధరలు ఆ తర్వాత పది రోజులు పెరిగాయి. అనంతరం నెల రోజులుగా స్థిరంగా ఉన్నాయి. అయితే అంతర్జాతీయ మార్కెట్ ధరలకు అనుగుణంగా ఎల్పీజీ సిలిండర్ ధరలు పెరుగుతున్నాయి. అంతకుముందు మార్చి 22న డొమెస్టిక్ సిలిండర్ ధర రూ.50 పెరిగింది. అక్టోబర్ 6, 2021 నుండి ఎలాంటి మార్పులేదు. మార్చిలో పెరిగింది.