బ్యాంకుల ప్రైవేటీకరణ..? ఆర్బీఐ గవర్నర్ హాట్ కామెంట్స్..

ప్రభుత్వ రంగ బ్యాంకులను ప్రైవేటీకరించడంపై కేంద్ర ప్రభుత్వంతో చర్చలు జరుపుతున్నామని రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్ చెప్పారు. చర్చల ప్రక్రియ ఇంకా కొనసాగుతుందని వివరించారు. తమ విధానాలు బలమైన మూలపెట్టుబడులతో కూడిన బ్యాంకింగ్ రంగం, నైతిక విలువలతో కూడిన పాలనకే ప్రాధాన్యం ఉంటుందని వివరింాచరు. గురువారం ఆయన బ్యాంకుల స్థితిగతులపై మీడియాతో మాట్లాడారు.

బ్యాంకులపై నిరర్థక ఆస్తుల భారం పెరిగిందని శక్తికాంత దాస్ చెప్పారు. కరోనా వైరస్ నేపథ్యంలో అవి మరింత పెరిగే ప్రమాదం ఉందన్నారు. బ్యాంకింగ్ రంగాన్ని ప్రక్షాళన చేసేందుకు కేంద్ర ప్రభుత్వం చర్యలు తీసుకుంటుందని వివరించారు. ప్రస్తుతం కొనసాగుతున్న ఆర్థిక కార్యకలాపాలు ఎలాంటి ఆటంకాలు లేకుండా కొనసాగుతాయని చెప్పారు.

2022 ఆర్థిక సంవత్సరానికి ఆర్బీఐ అంచనా వేసిన 10.5 శాతం వృద్ధి రేటులో ఎలాంటి తగ్గుదల ఉండబోదన్నారు. ఆర్థిక, ధరల స్థిరత్వాన్ని కాపాడుకుంటూనే ఆర్థిక వ్యవస్థను గాడిలో పెడతామని చెప్పారు. ప్రస్తుతం పెరుగుతున్న కేసులు ఆందోళన కలిగించేవేనని వివరించారు. దానితో పోరాడేందుకు అన్ని విధాలుగా కేంద్ర ప్రభుత్వం సమాయత్తంగా ఉందన్నారు.