హైదరాబాదాద్ టూ ఫ్రాంక్ఫర్ట్.. GMR అంతర్జాతీయ విమానాశ్రయం డైరెక్ట్ ఫ్లైట్ సర్వీస్
Flight News: GMR హైదరాబాద్ అంతర్జాతీయ విమానాశ్రయం యూరోపియన్ దేశాలకు మరింత చేరువ కానుంది. ఇందుకోసం జనవరి 16, 2024 నుంచి నేరుగా విమానాల సర్వీసులను నడిపేందుకు అడుగు ముందుకేసింది.
ఇందుకోసం ప్రధాన యూరోపియన్ స్టార్ అలయన్స్ మెంబర్ ఎయిర్లైన్ అయిన లుఫ్తాన్సా హైదరాబాద్ నుంచి ఫ్రాంక్ఫర్ట్కు నాన్స్టాప్ డైరెక్ట్ సర్వీస్ను ప్రారంభించనుంది. ఫ్రాంక్ఫర్ట్-హైదరాబాద్కు లుఫ్తాన్స తొలి డైరెక్ట్ ఫ్లైట్ గా వైడ్ బాడీ బోయింగ్ B787-9 డ్రీమ్లైనర్తో ప్రారంభం కానుంది. ఇందులో 26 బిజినెస్ క్లాస్, 21 ప్రీమియం ఎకానమీ, 247 ఎకానమీ క్లాస్ సీట్లు విమాన ప్రయాణికులకు అందుబాటులో ఉంటాయి.
ఎనిమిదిన్నర గంటల ప్రయాణ సమయం కలిగిన ఈ విమానం ఫ్రాంక్ఫర్ట్ - హైదరాబాద్ విమానాశ్రయాల మధ్య వారానికి మూడుసార్లు నడవనుంది. ఫ్రాంక్ఫర్ట్ నుంచి హైదరాబాద్కు మంగళ, శుక్ర, ఆదివారాల్లో నడుస్తుంది. తిరుగు ప్రయాణంలో సోమ, బుధ, శనివారాల్లో హైదరాబాద్ నుంచి ఉంటుందని ఫ్లైట్ షెడ్యూల్ చెబుతోంది.
ఈ కొత్త ఫ్లైట్ రూట్ తెలంగాణతో పాటు సమీప పరివాహక ప్రాంతాల నుంచి వచ్చే ప్రయాణికులను యూరప్లోని అనేక నగరాలు, దేశాలు, ప్రాంతాలతో కనెక్ట్ చేస్తుంది. ప్రపంచంలోని ప్రధాన విమానయాన కేంద్రంగా ఉన్న ఫ్రాంక్ఫర్ట్ ప్రయాణికులను USA, కెనడాతో సహా ఉత్తర అమెరికాలోని అనేక నగరాలకు కనెక్ట్ చేస్తుంది. దీనికి తోడు లుఫ్తాన్స ఫ్రాంక్ఫర్ట్ నుంచి లాటిన్ అమెరికాలోని అనేక నగరాలకు అద్భుతమైన కనెక్టివిటీని అందిస్తుంది. కాబట్టి మీ ప్రయాణాన్ని ఇప్పుడే ప్లాన్ చేసుకోండి.