Dhurandhar 2: ధురంధర్ 2 కోసం ఆ స్టార్‌‌కి భారీ రెమ్యునరేషన్.. మిగతా వాళ్లకు ఎంతంటే..

రణవీర్ సింగ్ హీరోగా ఆదిత్య ధర్ దర్శకత్వంలో తెరకెక్కిన మోస్ట్ అవైటెడ్ స్పై థ్రిల్లర్ 'ధురంధర్ 2: ది రివెంజ్' విడుదలకు సిద్ధమైంది. మార్చి 19న థియేటర్లలోకి రానున్న ఈ సినిమాపై ఇప్పటికే భారీ అంచనాలు ఉన్నాయి. మొదటి భాగం 'ధురంధర్' ప్రపంచవ్యాప్తంగా సుమారు 1300 కోట్ల రూపాయలకు పైగా వసూళ్లు సాధించి సంచలనం సృష్టించింది. దీంతో ఈ సీక్వెల్‌ లో నటించిన స్టార్ నటీనటుల పారితోషికాల గురించి ఇప్పుడు సోషల్ మీడియాలో ఆసక్తికరమైన చర్చ నడుస్తోంది. అసలు ఈ మూవీ కోసం ఎవరెవరు ఎంత రెమ్యూనరేషన్ తీసుకున్నారో ఇప్పుడు చూద్దాం.

రణవీర్ సింగ్ పారితోషికం ఎంత?

ఈ చిత్రంలో ఇండియన్ స్పై జస్కిరాత్ సింగ్ రంగీ (హంజా అలీ మజారీ) పాత్రలో రణవీర్ సింగ్ మరోసారి అలరించబోతున్నారు. తాజా సమాచారం ప్రకారం.. ఈ సీక్వెల్ కోసం రణవీర్ సుమారు రూ. 50 కోట్ల వరకు రెమ్యునరేషన్ తీసుకున్నట్లు తెలుస్తోంది. సినిమా స్థాయిని బట్టి తనకున్న క్రేజ్‌ను బట్టి రణవీర్ ఈ స్థాయిలో పారితోషికం అందుకోవడం సినిమా బిజినెస్ వర్గాల్లో హాట్ టాపిక్‌ గా మారింది.

ఇతర స్టార్ల సాలరీల వివరాలు

రణవీర్ సింగ్‌తో పాటు ఈ సినిమాలో కీలక పాత్రలు పోషించిన ఇతర నటీనటులకు కూడా భారీగానే ముట్టజెప్పినట్లు సమాచారం.

• సంజయ్ దత్: ఎస్పీ చౌదరి అస్లాం పాత్రలో కనిపించనున్న సంజయ్ దత్ సుమారు రూ. 10 కోట్లు పారితోషికం అందుకున్నట్లు నివేదికలు చెబుతున్నాయి.
• ఆర్. మాధవన్: నేషనల్ సెక్యూరిటీ అడ్వైజర్ అజయ్ సన్యాల్‌గా నటించిన మాధవన్ కు ఈ సినిమా కోసం రూ. 9 కోట్లు అందినట్లు సమాచారం.
• అక్షయ్ ఖన్నా: ఫ్లాష్ బ్యాక్ సీన్లలో రెహ్మాన్ డకైత్ పాత్రలో కనిపించనున్న ఈయనకు రూ. 2.5 కోట్లు ఇచ్చినట్లు తెలుస్తోంది.
• అర్జున్ రాంపాల్ & సారా అర్జున్: మేజర్ ఇక్బాల్‌ గా నటించిన అర్జున్ రాంపాల్ , యాలీనా జమాలీ పాత్ర పోషించిన సారా అర్జున్‌ లు రూ. 1 కోటి వరకూ పారితోషికం తీసుకున్నట్లు సమాచారం.

బిజినెస్ అంచనాలు.. కథా నేపథ్యం..

మొదటి భాగం బాక్సాఫీస్ వద్ద సృష్టించిన వండర్స్ దృష్ట్యా ధురంధర్ 2 (Dhurandhar 2) పై భారీగా పెట్టుబడి పెట్టారు. కేవలం నటీనటుల పారితోషికాలే సుమారు 60-70 కోట్ల రూపాయల వరకు ఉండొచ్చని అంచనా. ఇక ప్రొడక్షన్ ఖర్చులు, విదేశాల్లో షూటింగ్ అన్నీ కలిపి చూస్తే ఈ సినిమా బడ్జెట్ భారీగానే ఉంది. జస్కిరాత్ సింగ్ రంగీ ఎలా హంజా అలీ మజారీగా మారాడు? అతడు సరిహద్దులు దాటి చేసిన ప్రమాదకరమైన మిషన్లు ఏంటి? అనే ఆసక్తికర అంశాలతో ఈ సీక్వెల్ సాగనుంది.

ఏదేమైనా భారీ తారాగణం, హై-వోల్టేజ్ యాక్షన్ సీక్వెన్స్‌ లు , గ్రిప్పింగ్ స్పై స్టోరీతో వస్తున్న 'ధురందర్ 2 (Dhurandhar 2)', బాక్సాఫీస్ వద్ద తన పాత రికార్డులను తానే తిరగరాస్తుందని ట్రేడ్ అనలిస్టులు భావిస్తున్నారు. రణవీర్ సింగ్ నటన, ఆదిత్య ధర్ టేకింగ్ ఈ సినిమాకు ప్రధాన ఆకర్షణగా నిలవనున్నాయి. మొత్తంగా ఈ సినిమా ఎంత బిజినెస్ చేస్తుందో తెలియాలంటే కొంత కాలం ఆగాల్సిందే.