Air Indiaపై విరుచుకుపడ్డ DGCA.. భారీ పెనాల్టీ విధింపు.. అదే కారణం..!

Air India: గతంలో ప్రభుత్వ యాజమాన్యంలో కొనసాగిన ఎయిర్ ఇండియా తన సొంత గూటికి చేరుకున్న సంగతి తెలిసిందే. ప్రస్తుతం టాటాలు నడుపుతున్న ఈ కంపెనీపై సివిల్ ఏవియేష్ చర్యలు చేపట్టింది.

డైరెక్టరేట్ జనరల్ ఆఫ్ సివిల్ ఏవియేషన్(DGCA) మే-సెప్టెంబర్లలో షెడ్యూల్డ్ డొమెస్టిక్ ఆపరేటర్ల కోసం దిల్లీ, కొచ్చి, బెంగళూరు విమానాశ్రయాల్లో తనిఖీలు నిర్వహించింది. DGCA నిబంధనల్లో వివరించిన విధంగా ప్రయాణీకుల సౌకర్యాలు, నష్టపరిహారానికి సంబంధించిన బాధ్యతలకు కట్టుబడి ఉండేలా చూసింది. అయితే వీటిని పాటించటంలో ఎయిర్ ఇండియా విఫలమైందని తనిఖీల్లో వెల్లడైంది.

దీని పర్యవసానంగా నియంత్రణ నిబంధనలను పాటించకపోవడంపై వివరణ ఇవ్వాలంటూ నవంబర్ 3న ఎయిర్ ఇండియాకు షోకాజ్ నోటీసును డీజీసీఏ జారీ చేసింది. ఈ విషయంలో ఎయిర్ ఇండియా ప్రతిస్పందనను సమీక్షించిన తర్వాత.. విమానయాన సంస్థ CAR నిబంధనలను పాటించడంలో విఫలమైందని నిర్ధారించబడింది. ఆలస్యమైన విమానాల వల్ల ప్రభావితమైన ప్రయాణీకులకు హోటల్ వసతి లేకపోవడం, కొంతమంది గ్రౌండ్ సిబ్బందికి తగిన శిక్షణ ఇవ్వకపోవడం, సర్వీస్ చేయలేని సీట్లలో ప్రయాణించవలసి వచ్చిన అంతర్జాతీయ వ్యాపార తరగతి ప్రయాణికులకు పరిహారం చెల్లించడంలో వైఫల్యం వంటివి ఇందులో ఉన్నాయి.

ఇలా ఎయిర్ ఇండియా నిర్వహణలో డీజీసీఏ గమనించిన నిబంధనల ఉల్లంఘనపై చర్యలకు ఉపక్రమించింది. దీంతో క్యారియర్‌పై రూ.10 లక్షల జరిమానా విధించింది.