Adani News: అదానీకి కొత్త చిక్కులు..! ఆడిట్‌లో బయటపడ్డ షాకింగ్ నిజం..

Adani Ports: అదానీ గ్రూప్ లోని పోర్ట్స్ అండ్ స్పెషల్ ఎకనమిక్ జోన్ లిమిటెడ్ వ్యాపారంలోని కొన్ని ట్రాన్సాక్షన్లపై పూర్తి వివరాలు బహిర్గతం చేయలేదని ఆడిటర్ Deloitte Haskins & Sells LLP వెల్లడించింది. అందువల్ల కంపెనీ అకౌంట్లపై కేవలం క్వాలిఫైడ్ ఒపీనియన్ ఇస్తున్నట్లు వెల్లడించింది.

బ్లూమ్‌బెర్గ్ మీడియా సంస్థ నుంచి ఈ వార్త వెలువడిన తర్వాత అమెరికా రీసెర్చ్ సంస్థ హిండెన్‌బర్గ్ చేసిన ఆరోపణలు మరోసారి ప్రాధాన్యం సంతరించుకున్నాయి. అదానీ పోర్ట్స్ మూడు సంస్తలతో చేసిన లావాదేవీలపై అభ్యంతరాలు వ్యక్తం చేసింది. ఇవి కంపెనీకి సంబంధం లేని పార్టీలుగా ఆడిట్ సంస్థ డెలాయిట్ పేర్కొంది. దీనికి సంబంధించిన నిరూపించడానికి సహాయపడే స్వతంత్ర బాహ్య పరిశీలనకు అదానీ గ్రూప్ నిరాకరించినట్లు వెల్లడించింది.

డెలాయిట్ వంటి అగ్రశ్రేణి ఆడిటర్ అదానీ గ్రూప్ అకౌంట్స్ పై ఒక అర్హతగల అభిప్రాయాన్ని జారీ చేయడం ఇదే మొదటిసారి. ఇది గ్రూప్ మార్కెట్ విలువ నుంచి 100 బిలియన్ డాలర్ల కంటే ఎక్కువ మొత్తాన్ని ఆవిరి చేసిన హిండెన్ బర్గ్ చేసిన ఆరోపణలను ఉదహరించింది. ఆడిట్ సమీక్ష అదానీ గ్రూప్ ఆర్థిక లావాదేవీల్లో కొనసాగుతున్న సమాచార అంతరాల గురించి ఆందోళనలను పునరుద్ధరించగలది. ఇవి అదానీ గ్రూప్ ఎదుర్కొంటున్న అకౌంటింగ్ మోసం ఆరోపణలను అధిగమించటానికి చేస్తున్న ప్రయత్నాలను అడ్డుకునే ప్రమాదం ఉందని భావిస్తున్నారు.

జనవరి 24న అదానీ గ్రూప్ స్టాక్ మ్యానిపులేషన్ కు పాల్పడటం ద్వారా నిధులను అక్రమంగా విదేశాల్లో పార్కింగ్ చేసిందని ఆరోపిస్తూ నివేదికను ప్రచురించిన తర్వాత కంపెనీ రుణాలపై ఆందోళనలు రేకెత్తాయి. ఈ క్రమంలో అత్యున్నత న్యాయస్థానం సుప్రీం ఏర్పాటు చేసిన ప్రతినిధుల బృందం ఎలాంటి విషయాలను ఆగస్టు 14న బయటపెడుతుందోనని ఇన్వెస్టర్లు, మార్కెట్లు ఎదురుచూస్తున్నాయి.