Defence Multibagger: మార్కెట్లో గర్జిస్తున్న డిఫెన్స్ స్టాక్.. నిపుణులు ఇచ్చిన తాజా టార్గెట్ ధర ఇదే

Defence Stock: చాలా కాలంగా ఇన్వెస్టర్లు మార్కెట్లలో మల్టీబ్యాగర్ స్టాక్స్ వేటలో ఉన్న సంగతి తెలిసిందే. అయితే ప్రస్తుతం వారు రైల్వేలు, ఇన్ ఫ్రా, డిఫెన్స్, అగ్రి వంటి కీలక రంగాల్లో అటువంటి షేర్ల కోసం తమ అన్వేషనను కొనసాగిస్తున్నారు. అలాంటి వారి కోసం ఇప్పుడు ఒక స్టాక్ మార్కెట్లలో దృష్టిని ఆకర్షిస్తోంది.

ఇప్పుడు మనం మాట్లాడుకుంటున్నంది సోలార్ ఇండస్ట్రీస్ ఇండియా లిమిటెడ్ కంపెనీ షేర్ల గురించే. గడచిన కొన్నేళ్లుగా డిఫెన్స్ రంగంపై భారత ప్రభుత్వ దృష్టి పెరగటంతో ఈ స్టాక్ అందరి పోర్ట్ ఫోలియోలో స్థానాన్ని సంపాదించుకునే పనిలో ఉంది. మల్టీబ్యాగర్ స్టాక్ తన తొలి త్రైమాసిక ఫలితాలను ప్రకటించటంతో నిపుణులు సైతం అద్భుత పనితీరుపై బుల్లిష్‌గా ఉన్నారు. ఈ క్రమంలో జూన్ తో ముగిసిన త్రైమాసికంలో కంపెనీ మొత్తం రూ.300.54 కోట్ల లాభాన్ని ఆర్జించింది. ఏడాది కిందట ఇదే కాలంలో కంపెనీ లాభం కేవలం రూ.201.59 కోట్లుగా ఉంది.

సోలార్ ఇండస్ట్రీస్ లిమిటెడ్ లాభం వార్షిక ప్రాతిపదికన 49.08 శాతం పెరగటం ఇన్వెస్టర్లను ప్రస్తుతం ఆకర్షిస్తోంది. ఈ క్రమంలో కంపెనీ ఆదాయం తొలి త్రైమాసికంలో రూ.1,694.78 కోట్లుగా నివేదించింది. ఇబిటాలో 43 శాతం వృద్ధి నమోదు కావడం కంపెనీకి మంచి విషయంగా చెప్పుకోవచ్చు. ఇది జూన్ త్రైమాసికంలో రూ.473.67 కోట్లుగా ఉంది. గత ఏడాది జూన్ త్రైమాసికంలో ఇబిటా రూ.331.31 కోట్లుగా ఉంది.

బ్రోకరేజ్ టార్గెట్ ధర..
దేశీయ బ్రోకరేజ్ సంస్థ ఐసీఐసీఐ సెక్యూరిటీస్ సోలార్ ఇండస్ట్రీస్ టార్గెట్ ధరను రూ.13,250గా నిర్ణయించింది. ఇది ప్రస్తుతం కంపెనీ షేర్ ధర రూ.10,344.50 కంటే దాదాపు 28 శాతం అధికం కావటం గమనార్హం. అలాగే స్టాక్ ధర గడచిన 6 నెలల్లో ఏకంగా 50 శాతం పెరిగాయి. కంపెనీ షేర్లను ఏడాది కాలం నుంచి హోల్డ్ చేస్తున్న పెట్టుబడిదారులు ఏకంగా 151 శాతం మల్టీబ్యాగర్ రాబడులను అందుకున్నారు. అయితే గడచిన నెలలో భారీ పెరుగుదల తర్వాత స్టాక్ ప్రాఫిట్ బుకింగ్ బారిన పడింది. దీంతో అప్పటి నుంచి స్టాక్ దాదాపు 16 శాతం క్షీణతను చూసింది.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.