ఈ 3 షేర్లు కొంటే నెలలో 20 రెట్లు లాభం పక్కా.. విజయ్ కేడియా వైరల్ వీడియో..!

Vijay Kedia Stocks: దేశీయ స్టాక్ మార్కెట్లలో పెట్టుబడులు పెట్టడానికి చాలా మంది రిటైల్ ఇన్వెస్టర్లు ఆసక్తిగా ఉన్నారు. ఈ క్రమంలో చాలా మంది ప్రసిద్ధ పెట్టుబడిదారుల సూచనలతో పాటు వారి పోర్ట్ ఫోలియోను కూడా ఫాలో అవుతుంటారు. ఈ క్రమంలోనే విజయ్ కేడియాకు సంబంధించిన ఒక వీడియో సోషల్ మీడియాలో తెగ వైరల్ అవుతోంది.

వాస్తవానికి నేటి కాలంలో పెరుగుతున్న సాంకేతికతను దుండగులు దుర్వినియోగం చేస్తున్నారు. ఒకప్పుడు సినీ రాజకీయ ప్రముఖులను వేధించిన డీప్ ఫేక్ వీడియోలు ప్రస్తుతం ప్రముఖ పెట్టుబడిదారు విజయ్ కేడియాను కూడా వదలటం లేదు. తన పేరుపై ఇన్వెస్టర్లను షేర్లు కొనాలంటూ చేస్తున్న సూచనలకు సంబంధించిన వీడియో తన దృష్టికి రావటంతో కేడియా స్పందించారు. బుధవారం సోషల్ మీడియాలో తన ఫాలోవర్లను అప్రమత్తం చేస్తూ హెచ్చరిక జారీ చేశారు. సదరు వీడియోలో కేడియాను అనుకరిస్తున్న వ్యక్తి డీప్ ఫేక్ వీడియో 3 స్టాక్‌లను సిఫార్సు చేస్తున్నట్లు కనిపించింది.

సదరు వైరల్ వీడియోలో సూచించబడిన స్టాక్స్ కొంటే ఇన్వెస్టర్లు కేవలం నెలలోనే 20 రెట్లు రాబడిని అందుకుంటారని సూచించబడింది. ఈ వీడియోలను నమ్మే ముందు వాటిని ధృవీకరించాలని, వీటిపట్ల జాగ్రత్తగా ఉండాలని అనుభవజ్ఞుడైన పెట్టుబడిదారుడు విజయ్ కేడియా తన సోషల్ మీడియా ఫాలోవర్లను కోరారు. అచ్చం తనలాగే ఉన్నట్లు కనిపిస్తున్న వీడియోలో తన యాక్సెంట్ మార్చినట్లు కేడియా పేర్కొన్నారు. నకిలీ వీడియోల పట్ల జాగ్రత్త వహించాలని కేడియా కోరారు.

Someone made a fake video of me advising shares. The face is mine, the voice is mine… but suddenly, I sound like I studied in Oxford and grew up in New York! If you ever hear me speaking perfect English with a Western accent, just know—it’s not me.Beware of fake videos—verify… https://t.co/Wx1ln8bekL

— Vijay Kedia (@VijayKedia1) February 25, 2025

ఇలాంటి డీప్ ఫేక్ తప్పుడు వీడియోలను నమ్మటానికి ముందు ధృవీకరించుకోకపోతే తప్పుడు వ్యక్తుల చేతుల్లోకి కష్టపడి సంపాదించిన డబ్బు వెళ్లే ప్రమాదం ఉందని కేడియా అన్నారు. సదరు వీడియోలో మూడు షేర్లను ఇన్వెస్టర్లకు సూచిస్తూ వాటిలో పెట్టుబడికి ప్రస్తుతం సరైన సమయమని, ఇప్పుడు ఇన్వెస్ట్ చేస్తే కేవలం నెలలోనే 20 రెట్ల కంటే ఎక్కువ రాబడి పొందవచ్చని సూచించబడింది. అయితే నిందితులు ఆ స్టాక్స్ వివరాలు తెలుసుకునేందుకు తాము సూచించిన గ్రూప్ లో ఉచితంగా చేరాలని ఫాలోవర్లను అడగటం గమనార్హం.

సైన్స్ ప్రపంచానికి ఒక వరం లాంటిది కానీ కొన్నిసార్లు అది శాపంగా మారుతుందన్న కేడియా నేటి కాలంలో అబద్దాలు వేగంగా వ్యాప్తి చెందుతున్నాయని ఇన్వెస్టర్లను అప్రమత్తంగా ఉండాలని సూచించారు. వాస్తవానికి దీనిని ఏఐ వినియోగించి అభివృద్ధి చేసి ఉండొచ్చని ఆయన అభిప్రాయపడ్డారు.