Bonus Shares: ఇన్వెస్టర్లను పేదలుగా మార్చిన స్టాక్.. బోనస్ షేర్లను ఇస్తోంది.. కొన్నారా..?

కంపెనీ వివరాలు..

ఇప్పటి వరకు మనం మాట్లాడుకున్నది స్మాల్ క్యాప్ కంపెనీ డెబాక్ ఇండస్ట్రీస్ లిమిటెడ్ గురించే. ఈ కంపెనీ ఏడాది ప్రాతిపదికన తన ఇన్వెస్టర్లకు భారీ నష్టాన్ని తెచ్చిపెట్టింది. అయితే ఈ కంపెనీ ఇప్పుడు పెట్టుబడిదారులకు బోనస్ షేర్లను ఇవ్వనున్నట్లు ప్రకటించింది. కంపెనీ బోర్డ్ ఒక్కో షేరుకు మరో షేర్ బోనస్ రూపంలో అందించాలని నిర్ణయించినట్లు వెల్లడించింది. ఇందుకోసం రికార్డు తేదీని నిర్ణయించారు.

ఈరోజు ముఖ్యం..

కంపెనీ అక్టోబర్ 27, 2022ని రికార్డ్ తేదీగా నిర్ణయించినట్లు స్టాక్ ఎక్స్ఛేంజ్ ఫైలింగ్‌లో సెబీకి తెలిపింది. అంటే ఈ రోజు ఎవరైతే కంపెనీ బుక్స్ ప్రకారం షేర్లను కలిగి ఉంటారో వారికి మాత్రమే బోనస్ షేర్లు లభిస్తాయి. కంపెనీ మెుత్తం 3,82,20,000 ఈక్విటీ షేర్లను బోనస్ రూపంలో ఇన్వెస్టర్లకు జారీ చేయనున్నట్లు స్పష్టం చేసింది.

ఒక్కరోజులో తారుమారు..

ఏడాది ప్రాతిపదికన కంపెనీ షేర్లు 91 శాతం పతనం కావటంతో అప్పట్లో లక్ష రూపాయలు పెట్టుబడి పెట్టిన వారికి ప్రస్తుత మార్కెట్ విలువ ప్రకారం దాని విలువ రూ.15,000కు పడిపోయింది. ఏడాది కిందట రూ.147గా ఉన్న కంపెనీ షేర్ ధర పతనం కారణంగా ప్రస్తుతం రూ.12.25కి పడిపోయింది. ఈ రోజు Debock Industries Ltd స్టాక్ మార్కెట్ ప్రారంభంలో 23 రూపాయల నుంచి 47 శాతం పతనమై మధ్యాహ్నం 12.07 గంటలకు రూ.12.25 లకు చేరుకుంది.

కంపెనీ వ్యాపారం..

డెబాక్ గ్రూప్ 2007లో స్థాపించబడింది. దేశానికి అత్యుత్తమ సేవలు, నాణ్యమైన ఉత్పత్తులను అందించే లక్ష్యంతో ఇది ప్రారంభిచబడింది. ఈ సంస్థ గ్రూప్ రియల్ ఎస్టేట్, ఇన్‌ఫ్రాస్ట్రక్చర్ డెవలప్‌మెంట్, సేల్స్ అండ్ మార్కెటింగ్, అగ్రికల్చర్ ప్రొడక్ట్స్, హాస్పిటాలిటీ ఇండస్ట్రీలో ఆసక్తిని కలిగి ఉంది. దేశవ్యాప్తంగా వివిధ ప్రదేశాలలో వివిధ ప్రాజెక్టుల అభివృద్ధి వివిధ దశల్లో 5 మిలియన్ చదరపు అడుగుల స్థలాన్ని కలిగి ఉంది.