Mutual Funds: ఎలక్ట్రిక్ వాహన తయారీ కంపెనీలో భారీగా పెట్టుబడి పెడుతున్న మ్యూచువల్ ఫండ్లు..

గత రెండేళ్లుగా విదేశీ పెట్టుబడిదారులు నిరంతరాయంగా అమ్మకాలు జరిపినా దేశీయ సంస్థాగత పెట్టుబడిదారులు మార్కెట్‌కు కీలకమైన అండగా నిలిచారు. హీరో మోటోకార్ప్ మద్దతు ఉన్న (29.20% వాటా) ఏథర్ ఎనర్జీపై విశ్వాసంతో ఉన్నారు. మ్యూచువల్ ఫండ్లు ఈ ఎలక్ట్రిక్ ద్విచక్ర వాహన తయారీ సంస్థలో తమ పెట్టుబడులను క్రమంగా పెంచుకుంటున్నాయి. గత ఏడాది మే నెలలో స్టాక్ మార్కెట్‌లోకి ప్రవేశించినప్పటి నుంచి కంపెనీలో మ్యూచువల్ ఫండ్ల వాటా నిలకడగా పెరుగుతోందని షేర్‌హోల్డింగ్ డేటా బట్టి తెలుస్తోంది.

FY27 జూన్ త్రైమాసికంలో, దేశీయ సంస్థాగత యాజమాన్యం మునుపటి త్రైమాసికంలోని 20.5 శాతం నుంచి 21.1 శాతానికి పెరిగింది. గత నాలుగు త్రైమాసికాలలో, DIIలు తమ వాటాను FY26 జూన్‌లోని 12 నుంచి 18 శాతానికి క్రమంగా పెంచుకున్నారు. గత ఏడాది కాలంలో స్టాక్ ఏకంగా 275 శఆతం పెరగడంతో వారు తమ హోల్డింగ్స్‌ను పెంచుకుంటూ రాబడులను ఆర్జించాయి. అనేక ఆటోమొబైల్ కంపెనీలు ద్రవ్యోల్బణం-ప్రేరిత డిమాండ్ ఒత్తిళ్లతో సతమతమవుతున్న తరుణంలో, ఏథర్ భిన్నమైన స్థితిలో ఉంది.

FY27 మొదటి త్రైమాసికంలో ఎలక్ట్రిక్ టూ వీలర్లకు డిమాండ్ గణనీయంగా పెరిగిందని, పరిశ్రమ రిజిస్ట్రేషన్లు గత ఏడాదితో పోలిస్తే 68 శాతం పెరిగి సుమారు 5,25,000 యూనిట్లకు చేరుకున్నాయని కంపెనీ తెలిపింది. జూన్ 2026లో EV వినియోగం కూడా మొదటిసారిగా 10 శాతం మార్కును దాటింది. ఈ నేపథ్యంలో ఏథర్ తన వినియోగదారులందరిలోనూ బలమైన ఆదరణను కొనసాగించింది. వినియోగదారుల విచారణలు గత ఏడాదితో పోలిస్తే 95 శాతం పెరిగి 7,07,000కు చేరుకోగా, ప్రీ-ఆర్డర్లు 158 శాతం పెరిగి 1,50,000కు చేరుకున్నాయి. ఇది ఈ త్రైమాసికంలో కంపెనీ ఉత్పత్తి సామర్థ్యాన్ని మించిపోయిన నిరంతర డిమాండ్‌ను స్పష్టం చేస్తోంది.

నోమురా ఈ స్టాక్‌పై విశ్వాసంతో ఉంది. దీని టార్గెట్ ధర రూ. 1,714గా నిర్ణయించింది. భారతదేశంలో ఎలక్ట్రిక్ టూ వీలర్ల వ్యాప్తి ఒక కీలక మలుపుకు చేరుకుందని, డిమాండ్ సరఫరాను మించిపోతూనే ఉందని పేర్కొంది. FY27 మొదటి త్రైమాసికంలో ఏథర్ అమ్మకాలు గతేడాదితో పోలిస్తే 81 శాతం పెరిగాయి. ఇది ఎలక్ట్రిక్ టూ వీలర్ పరిశ్రమ 68 శాతం వృద్ధిని సులభంగా అధిగమించింది. ఇతర ఖర్చులు ఊహించిన దానికంటే వేగంగా తగ్గడం వల్లే కంపెనీ మార్జిన్ పనితీరు మెరుగుపడిందని HSBC తెలిపింది. మార్జిన్ల విషయానికొస్తే, ముడిసరుకుల ధరల ఒత్తిళ్ల గరిష్ఠ స్థాయి ఇప్పుడు దాటిపోయిందని యాజమాన్యం భావిస్తోంది. కంపెనీ సాధించిన నిర్మాణాత్మక లాభాలు ముడిసరుకుల ద్రవ్యోల్బణ చక్రాన్ని అధిగమించి, రాబోయే త్రైమాసికాల్లో లాభదాయకతకు మద్దతునిస్తూనే ఉంటాయని అంచనా వేస్తున్నట్లు తెలిపింది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.