ప్రభుత్వరంగ బ్యాంకుల విలీనం, కస్టమర్ల ఇబ్బందులెన్నో!

పలు ప్రభుత్వరంగ బ్యాంకుల విలీనం నేపథ్యంలో కస్టమర్లు సమస్యలు ఎదుర్కొంటున్నారు. బ్యాంకుల విలీనం నేపథ్యంలో గతంలో ఇచ్చిన పోస్ట్ డేటెడ్ చెక్కులు బౌన్స్ అయితే ఛార్జీల భారం పడటం, డివిడెండ్ చెల్లింపులు సక్రమంగా అందకపోవడం వంటి పరిస్థితులు ఎదురయ్యే అవకాశాలపై ఖాతాదారులు ఆందోళన చెందుతున్నారు. ముఖ్యంగా పెద్ద బ్యాంకుల్లో విలీనమైన చిన్న బ్యాంకుల కస్టమర్లు ఎక్కువగా ఇలాంటిసమస్య ఎదుర్కొంటున్నారు.

పాత ఎంఐసీఆర్ చెక్కుల స్థానంలో కొత్త వాటిని జారీ చేసేందుకు, డివిడెండ్స్ మొదలైనవి చెల్లించాల్సిన సంస్థలకు కొత్తగా మారిన IFSC కోడ్ వివరాలను అందించేందుకు మరింత సమయం పట్టనుందని, అందుకే విలీన అమలు ప్రక్రియను పొడిగించాలని కూడా అంటున్నారు. ఈ విలీనం మార్చి 31తో ముగిసింది. ఏప్రిల్ 1వ తేదీ నుండి విలీన బ్యాంకుల రూల్స్ మారాయి.

అకౌంట్ల అనుసంధానం నుండి ఎన్నో సమస్యలను కస్టమర్లు ఎదుర్కొంటున్నారు. సాధారణంగా పెద్ద బ్యాంకుల్లో విలీనమైన చిన్న బ్యాంకుల కస్టమర్లలో చాలామందికి వివిధ కంపెనీల్లో షేర్లలో లేదా బాండ్లలో పెట్టుబడులు ఉండవచ్చు. వాటి మీ డివిడెండ్స్, ఇతర చెల్లింపులు మొదలు ఐటీ రీఫండ్స్ రావాల్సి ఉంటాయి. కానీ IFSC కడో్ మారిపోవడం వల్ల ఇవి సమస్యగా మారే అవకాశం ఉంటుంది.