55,000 డాలర్లు క్రాస్ చేసిన బిట్ కాయిన్, పోల్కాడాట్ 11% జంప్

క్రిప్టో మార్కెట్ ఇటీవల వృద్ధిని నమోదు చేస్తోంది. క్రిప్టో కింగ్ బిట్ కాయిన్ వ్యాల్యూ క్రితం సెషన్‌లో 55,000 డాలర్లను క్రాస్ చేసింది. నేడు ప్రారంభం సెషన్ నుండి క్రిప్టో కరెన్సీలు పరుగులు పెడుతున్నాయి. పోల్కాడాట్ దాదాపు 11 శాతం లాభపడింది. XPR కూడా దాదాపు అంతే మొత్తంలో ఎగిసిపడింది. క్రిప్టో కరెన్సీ మార్కెట్ క్యాపిటలైజేషన్ 2.29 ట్రిలియన్ డాలర్లకు చేరుకుంది. క్రితం సెషన్‌తో పోలిస్తే 0.69 శాతం వృద్ధిని నమోదు చేసింది. మొత్తం క్రిప్టో మార్కెట్ వ్యాల్యూమ్ గత 24 గంటల్లో 96.99 బిలియన్లుగా నమోదయింది. క్రిప్టో దిగ్గజం బిట్ కాయిన్ మార్కెట్ వాటా 44.71 శాతంగా ఉంది.

ఈ ఏడాది మే నెల నుండి స్వల్పంగా లాభపడుతూ వచ్చిన బిట్ కాయిన్, కొద్ది నెలలుగా ఊగిసలాటలో ఉంది. అయితే ఇటీవల మళ్లీ జంప్ చేస్తోంది. బిట్ కాయిన్‌కు బిగ్గెస్ట్ మంత్లీ లాస్ మే నెల తర్వాత సెప్టెంబర్. బిట్ కాయిన్ మే నెలలో ఆల్‌టైమ్ గరిష్టం 65,000 డాలర్లకు చేరుకొని, కొద్దిరోజులకు 30,000 డాలర్ల దిగువకు పడిపోయింది. మళ్లీ కోలుకొని, చాలారోజుల పాటు 30వేల డాలర్ల నుండి 50వేల డాలర్ల మధ్య కదలాడి, ఇటీవల 54వేల డాలర్ల పైన ట్రేడ్ అవుతోంది. జూలై నుండి సెప్టెంబర్ మధ్య కాలంలో 40వేల డాలర్ల నుండి 50,వేల డాలర్ల మధ్య కదలాడింది.

నేటి ఉదయం వివిధ క్రిప్టో కరెన్సీ వ్యాల్యూ

- Bitcoin BTC - $54,475.28 - 24 గంటల్లో వృద్ధి 0.85% - మార్కెట్ క్యాప్ $1,027,118,213,949

- Ethereum ETH - $3,514.17 - 24 గంటల్లో క్షీణత 1.30% - మార్కెట్ క్యాప్ $414,293,218,064

- Cardano ADA - $2.24- 24 గంటల్లో వృద్ధి 0.22% - మార్కెట్ క్యాప్ $71,742,356,323

- Binance Coin BNB - $414.10 - 24 గంటల్లో క్షీణత 1.61% - మార్కెట్ క్యాప్ $69,596,357,432

- Tether USDT - $1.00 - 24 గంటల్లో వృద్ధి 0.02% - మార్కెట్ క్యాప్ $68,419,009,403

- XRP XRP -$1.15 - 24 గంటల్లో వృద్ధి 8.32% - మార్కెట్ క్యాప్ $53,916,179,568

- Solana SOL - 154.05 - 24 గంటల్లో క్షీణత 2.55% - మార్కెట్ క్యాప్ $46,090,920,243

- Polkadot DOT - $37.00 - 24 గంటల్లో వృద్ధి 11.33% - మార్కెట్ క్యాప్ $36,512,366,017

- USD Coin USDC - $1 - - 24 గంటల్లో వృద్ధి 0.01% - మార్కెట్ క్యాప్ $32,965,673,644

- Dogecoin DOGE - $0.24 - 24 గంటల్లో వృద్ధి 0.14% - మార్కెట్ క్యాప్ $32,079,636,737