30,000 స్థాయికి పడిపోయి, మళ్లీ పెరిగిన బిట్ కాయిన్: నేటి క్రిప్టో వ్యాల్యూ ఎలా ఉందంటే
క్రిప్టోకరెన్సీ నేడు(జూన్ 23 బుధవారం) క్షీణించింది. గ్లోబల్ క్రిప్టో మార్కెట్ క్యాపిటలైజేషన్ 1.34 ట్రిలియన్ డాలర్లుగా నమోదయింది. గత ఇరవై నాలుగు గంటల్లో క్రిప్టో మార్కెట్ వ్యాల్యూమ్ 148.92 బిలియన్ డాలర్లు పెరిగింది. ఇది 9.32 శాతం. బిట్ కాయిన్ వ్యాల్యూ ప్రస్తుతం 33,871.28 డాలర్ల వద్ద ఉంది. గతవారం బిట్ కాయిన్ 40000 డాలర్లకు చేరుకోవడానికి చేసే ప్రయత్నాలు విఫలమయ్యాయి. కానీ ప్రస్తుతం 30000 డాలర్ల స్థాయిలో కూడా చేరువైంది.
నేడు క్రిప్టోకరెన్సీ వ్యాల్యూ ఇలా ఉంది... బిట్ కాయిన్ BTC ధర 33,827.82 డాలర్ల వద్ద, ఎథేరియం 1,981.54 డాలర్ల వద్ద, టెథెర్ 1.00 డాలర్ల వద్ద, బియాన్స్ కాయిన్ 279.77 డాలర్ల వద్ద, కార్డానో 1.22 డాలర్ల వద్ద, రిప్పిల్ 0.5847 డాలర్ల వద్ద, డోజీకాయిన్ 0.1977 డాలర్ల వద్ద, USD కాయిన్ 1.00 డాలర్ల వద్ద, పోల్కాడాట్ 15.79 డాలర్ల వద్ద, యూనిస్వాప్ 17.52 డాలర్ల వద్ద ట్రేడ్ అయింది.
ఇదిలా ఉండగా, గతంలో క్రిప్టో కరెన్సీ కింగ్ బిట్కాయిన్కు మద్దతు పలికిన ప్రముఖ రచయిత నజీం తాలెబ్ స్వరం మారింది. ప్రస్తుతం బిట్ కాయిన్ వ్యాల్యూ వాస్తవంగా జీరో మాత్రమే అన్నారు. ప్రభుత్వంతో సంబంధం లేని కరెన్సీ అన్న భావనను రుజువు చేయడంలో బిట్ కాయిన్ విఫలమైందన్నారు. స్వల్పకాలంలో గానీ, దీర్ఘకాలంలో గానీ బిట్ కాయిన్కు విలువ లేదని చెప్పారు. పెరిగిపోతున్న ద్రవ్యోల్బణానికి వ్యతిరేకంగా దీన్ని నిర్వహించలేమన్నారు.