బిట్ కాయిన్, డోజీకాయిన్ సహా వివిధ క్రిప్టో మార్కెట్ క్యాపిటలైజేషన్

క్రిప్టోకరెన్సీ ట్రాన్సాక్షన్స్ నిర్వహించే విషయంలో జాగ్రత్తగా ఉండాలని బ్యాంకులు తమ ఖాతాదారులకు ఇటీవల సూచించాయి. ఈ ట్రాన్సాక్షన్స్ దేశంలో అనుమతి లేనందున, ఆ ట్రాన్సాక్షన్స్ నిర్వహించే వారి ఖాతాలను రద్దు చేయం లేదా తాత్కాలికంగా నిలిపివేసే అవకాశాలు ఉన్నట్లు వెల్లడించాయి. ఎస్బీఐ, హెచ్‌డీఎఫ్‌సీ బ్యాంకు సహా పలు బ్యాకులు బిట్ కాయిన్ వంటి క్రిప్టోకరెన్సీ ట్రాన్సాక్షన్స్ నిర్వహిస్తున్న వారికి ఈ-మెయిల్ పంపించినట్లుగా కూడా వార్తలు వచ్చాయి.

అయితే ఈ సంధిగ్ధత నేపథ్యంలో ఆర్బీఐ క్లారిటీ ఇచ్చింది. రద్దు లేదని తెలిపింది. ఇది క్రిప్టో ఇన్వెస్టర్లకు ఊరట. ఇటీవల వివిధ క్రిప్టో కరెన్సీలు భారీగా నష్టపోతున్నాయి. క్షీణించిన సమయంలో ఇన్వెస్ట్ చేయడం సహజం.

బిట్ కాయిన్ డోజీ కాయిన్

క్రిప్టో కింగ్ బిట్ కాయిన్ ధర ప్రస్తుతం 37 వేల డాలర్లకు పైన ఉంది. మార్కెట్ వాటాలో బిట్ కాయిన్ వాటా 41.61 శాతానికి పైగా ఉంది. ప్రస్తుత క్షీణతలో బిట్ కాయిన్ కొనుగోలుకు దూరంగా ఉండాలని గ్లోబల్ బ్యాంక్ జేపీ మోర్గాన్ ఇటీవల ఇనిస్టిట్యూషనల్ ఇన్వెస్టర్స్‌కు సూచించింది. బిట్ కాయిన్ మరింతగా పడిపోయే అవకాశాలు ఉన్నాయని పేర్కొంది. మరో క్రిప్టో డోజీ కాయిన్ 28 శాతానికి పైగా ఎగిసి 0.4199919 డాలర్ల వద్ద ట్రేడ్ అయింది.

క్రిప్టో మార్కెట్ క్యాప్

అంతర్జాతీయ క్రిప్టోకరెన్సీ మార్కెట్ క్యాపిటలైజేషన్ 1.68 ట్రిలియన్ డాలర్లుగా ఉంది. గత ఇరవై నాలుగు గంటల్లో క్రిప్టో మార్కెట్ క్యాప్ 109.18 బిలియన్ డాలర్లు పెరిగింది. అంటే మొత్తం మార్కెట్ క్యాప్ 0.59 శాతం పెరిగింది.

వివిధ క్రిప్టోల మార్కెట్ క్యాప్

బిట్ కాయిన్ మార్కెట్ క్యాపిటలైజేషన్ 699,551,487,862 డాలర్లు, ఎథేరియం మార్కెట్ క్యాప్ 311,789,617,638 డాలర్లు, టెథేర్ మార్కెట్ క్యాప్ 61,694,888,511 డాలర్లు, బియాన్స్ కోయిన్ మార్కెట్ క్యాప్ 61,500,262,851 డాలర్లు, కార్డానో మార్కెట్ క్యాప్ 55,264,429,745 డాలర్లు, డోజీకాయిన్ మార్కెట్ క్యాప్ 53,386,584,934 డాలర్లు, పోల్కాడాట్ మార్కెట్ క్యాప్ 24,661,792,217 డాలర్లుగా ఉంది.