30,000కు దిగువనే బిట్ కాయిన్, ఎథేరియం 2000 పైకి చేరినప్పటికీ...

క్రిప్టో మార్కెట్ నేడు (మే 20, శుక్రవారం) దాదాపు స్థిరంగా కొనసాగుతోంది. ప్రపంచ అతిపెద్ద క్రిప్టో బిట్ కాయిన్ అతి స్వల్పంగా 0.08 శాతం తగ్గగా, ఎథేరియం స్వల్పంగా 1.70 శాతం పెరిగింది. మీమ్ కాయిన్స్ డోజీకాయిన్, షిబా ఇను మాత్రం కాస్త క్షీణించాయి. క్రిప్టో మార్కెట్ ఇటీవల క్షీణించింది. ప్రపంచ దేశాల కేంద్ర బ్యాంకులు క్రమంగా వడ్డీ రేటును పెంచడం వంటి అంశాలు క్రిప్టో మార్కెట్‌తో పాటు స్టాక్ మార్కెట్ పైన ప్రభావం చూపుతాయి.

ప్రపంచ అతిపెద్ద క్రిప్టో బిట్ కాయిన్ ఈ వార్త రాసే సమయానికి 1.48 శాతం క్షీణించి 29,429 డాలర్ల వద్ద ట్రేడ్ అయింది. గత ఇరవై నాలుగు గంటల్లో కనిష్టం 29,386 డాలర్లు, 24 గంటల గరిష్టం 30,718 డాలర్ల వద్ద ట్రేడ్ అయింది. బిట్ కాయిన్ మార్కెట్ క్యాప్ గత ఇరవై నాలుగు గంటల్లో 559.16 బిలియన్ డాలర్ల మేర తగ్గింది. ఎథేరియం 2000 డాలర్ల పైకి చేరుకున్నప్పటికీ, ఊగిసలాటలో ఉంది.

వివిధ క్రిప్టో మార్కెట్ విషయానికి వస్తే బిట్ కాయిన్ 1.59 శాతం తగ్గి 29,360 డాలర్ల వద్ద, ఎథేరియం 0.15 శాతం తగ్గి 1976 డాలర్ల వద్ద, ఎక్స్‌ఆర్‌పీ 0.15 శాతం తగ్గి 0.411642 డాలర్ల వద్ద, సోలానా 4.21 శాతం క్షీణించి 49.72 డాలర్ల వద్ద, డోజీకాయిన్ 2.02 శాతం తగ్గి 0.083939 డాలర్ల వద్ద, షిబా ఇను 1.84 శాతం తగ్గి 0.000012 డాలర్ల వద్ద ట్రేడ్ అయింది. టాప్ గెయినర్స్ విషయానికి వస్తే ఆక్స్ 16.71 శాతం, కైబర్ నెట్ వర్క్ 14.45 శాతం, టాప్ లూజర్స్ విషయానికి వస్తే టెర్రా యూఎస్డీ 10.56 శాతం క్షీణించింది.