Crypto prices today: ఈ క్రిప్టో కరెన్సీలు అదరగొట్టాయి

క్రిప్టోకరెన్సీ సెప్టెంబర్ 16, గురువారం లాభాల్లో కదలాడింది. గ్లోబల్ క్రిప్టో కరెన్సీ మార్కెట్ క్యాపిటలైజేషన్ 2.2 ట్రిలియన్ డాలర్లకు చేరుకుంది. అంతకుముందు సెషన్‌తో పోలిస్తే ఇది 3.02 శాతం అధికం. బిట్ కాయిన్ ధర ప్రస్తుతం 47,907 డాలర్లకు చేరుకుంది. మొన్నటి వరకు క్షీణించిన బిట్ కాయిన్ మళ్లీ పెరుగుతోంది. బిట్ కాయిన్ మార్కెట్ వాటా దాదాపు 42 శాతంగా ఉంది. బిట్ కాయిన్ మే నెలలో ఆల్‌టైమ్ గరిష్టం 65,000 డాలర్లకు చేరుకొని, కొద్దిరోజులకు 30,000 డాలర్ల దిగువకు పడిపోయింది. మళ్లీ కోలుకొని, చాలారోజుల పాటు 30వేల డాలర్ల నుండి 40వేల డాలర్ల మధ్య కదలాడి, గత నెల రోజులుగా 40వేల డాలర్ల పైన కనిపిస్తోంది. ఇటీవల మళ్లీ 50వేల డాలర్లను తాకింది. అయితే అంతలోనే మళ్లీ పతనం అవుతోంది. 50,000 డాలర్ల నుండి ఐదారు సెషన్‌లలోనే 44,000 డాలర్లకు పడిపోయింది. ఇప్పుడు 47వేల డాలర్ల పైన ఉంది.

క్రిప్టో కరెన్సీ వరుసగా మూడో రోజు జంప్ చేసింది. కార్డానో 2.18 శాతం లాభపడింది. టోటల్ క్రిప్టో మార్కెట్ వ్యాల్యూమ్ గత 24 గంటల్లో 100.15 బిలియన్ డాలర్లు. అన్ని స్టేబుల్ కాయిన్స్ వ్యాల్యూమ్ 76.27 బిలియన్ డాలర్లు.

నేడు ఉదయం సెషన్‌లో వివిధ క్రిప్టో వ్యాల్యూ

- Bitcoin BTC - $47,907 - 1.58 శాతం జంప్
- Ethereum ETH - $3,590.02 - 5.00 శాతం జంప్
- Cardano ADA - $2.45 - 1.55 శాతం జంప్
- Tether USDT - $1.11 - 0.05 శాతం జంప్
- Binance Coin BNB - $427.72 - 2.98 శాతం జంప్
- XRP - $1.11 - $1.56 శాతం జంప్
- Solana SOL - $155.89 - $0.94 శాతం డౌన్
- Polkadot DOT - $35.90 - 2.99 శాతం డౌన్
- Dogecoin - $0.24 - $1.05 శాతం జంప్
- USD Coin USDC - $1.00 - 0.02 శాతం జంప్