Crypto Prices Today: బిట్ కాయిన్, ఎథేరియం జంప్

క్రిప్టో కరెన్సీ కింగ్ బిట్ కాయిన్ 63,000 డాలర్లను తాకి, 64,000 డాలర్లకు చేరువైంది. క్రిప్టో కరెన్సీ నేడు లాభపడింది. క్రిప్టో మార్కెట్ క్యాపిటలైజేషన్ రూ.197.57 లక్షల కోట్లకు చేరుకుంది. గత ఇరవై నాలుగు గంటల్లో 0.42 శాతం పెరిగింది. ఇరవై నాలుగు గంటల్లో టోటల్ క్రిప్టో మార్కెట్ వ్యాల్యూమ్ రూ.9,95,986 కోట్లుగా ఉంది. ఇది 0.12 శాతం అధికం. ప్రస్తుతం బిట్ కాయిన్ వ్యాల్యూ రూ.47,63,787.70 కోట్లుగా లేదా 63,833.40 డాలర్లుగా ఉంది. ఉదయం సెషన్‌లో రూ.48,28,435 కోట్లుగా నమోదయింది. అంటే ఓ సమయంలో రూ.64,000 కోట్లను దాటింది. పోల్కాడాట్ పదిహేను శాతం లాభపడింది.

మీమ్ క్రిప్టోకరెన్సీ షిబా ఇను, టెథేర్, డీసెంట్రలాండ్, బిట్ కాయిన్ లాభాల్లో ఉన్నాయి. బిట్ కాయిన్ మే నెలలో మొదటిసారి 65వేల డాలర్లకు చేరుకొని, ఆల్ టైమ్ గరిష్టాన్ని తాకింది. అప్పుడు లాభపడుతూ వచ్చిన బిట్ కాయిన్, ఆ తర్వాత కొద్ది నెలలపాటు ఊగిసలాటలో ఉంది. ఆ తర్వాత జూలై నెలలో 30,000 డాలర్ల దిగువకు కూడా పడిపోయింది. అక్కడి నుండి స్వల్పంగా లాభపడుతూ కొద్ది నెలల పాటు 30,000 డాలర్ల నుండి 50,000 డాలర్ల మధ్య కదలాడింది. ఈ నెల కాలంలో 50వేల డాలర్లను దాటి, అక్కడి నుండి పరుగులు పెడుతోంది. 55వేల డాలర్లు దాటిన తర్వాత గతవారం సెషన్‌లలోనే 60 వేల మార్కును దాటింది. ఈ వారం 62వేలను దాటి, ఇటీవల 66వేల డాలర్లు క్రాస్ చేసింది. ఆ తర్వాత 60వేల స్థాయికి పడిపోయింది. ఇప్పుడు మళ్లీ 64,000 డాలర్లకు చేరుకుంది.

- Bitcoin - రూ.48,28,435 - 0.76% వృద్ధి
- Ethereum - రూ.3,39,967 - 0.85% వృద్ధి
- Tether - రూ.78.89 - 0.52% క్షీణత
- Cardano - రూ.153.6208 - 0.31% క్షీణత
- Binance Coin - రూ.43,148 - 4.85% వృద్ధి
- XRP - రూ.86.3854 - 0.82% క్షీణత
- Polkadot - రూ.3,869.65 - 14.66% వృద్ధి
- Dogecoin - రూ.21.25 - 0.14% వృద్ధి