62,000 దాటిన బిట్ కాయిన్ , డోజీకాయిన్ 7 శాతం జంప్
క్రిప్టో కరెన్సీ దూసుకెళ్తోంది. క్రిప్టో దిగ్గజం బిట్ కాయిన్ ఏకంగా 62,000 డాలర్ల మార్కును క్రాస్ చేసి, ఆల్ టైమ్ గరిష్టం 65,000 డాలర్లకు మరింత సమీపించింది. క్రిప్టో కరెన్సీ ఇటీవలి సెషన్లలో పరుగులు పెడుతోంది. అంతకుముందు నెమ్మదిగా ముందుకు సాగినప్పటికీ, గతవారం నుండి వేగం అందుకుంది. ప్రస్తుతం బిట్ కాయిన్ 62వేల డాలర్లు దాటింది. భారత కరెన్సీలో ఇది దాదాపు రూ.47 లక్షలకు పైన. బిట్ కాయిన్ మే నెలలో మొదటిసారి 65వేల డాలర్లకు చేరుకొని, ఆల్ టైమ్ గరిష్టాన్ని తాకింది. అప్పుడు లాభపడుతూ వచ్చిన బిట్ కాయిన్, ఆ తర్వాత కొద్ది నెలలపాటు ఊగిసలాటలో ఉంది. ఆ తర్వాత 30,000 డాలర్ల దిగువకు కూడా పడిపోయింది. అక్కడి నుండి స్వల్పంగా లాభపడుతూ కొద్ది నెలల పాటు 30,000 డాలర్ల నుండి 50,000 డాలర్ల మధ్య కదలాడింది. ఈ నెల కాలంలో 50వేల డాలర్లను దాటి, అక్కడి నుండి పరుగులు పెడుతోంది. 55వేల డాలర్లు దాటిన తర్వాత గతవారం సెషన్లలోనే 60 వేల మార్కును దాటింది. ఇప్పుడు 62వేల డాలర్లు క్రాస్ చేసి మళ్లీ ఆల్ టైమ్ గరిష్టానికి సమీపంలో నిలిచింది.
బిట్ కాయిన్తో పాటు ఇతర క్రిప్టో కరెన్సీలు కూడా లాభపడ్డాయి. ఎథేరియం మంగళవారం 3,903 డాలర్ల వద్ద ట్రేడ్ అయింది. క్రితం సెషన్తో పోలిస్తే 0.49 శాతం నష్టపోయింది. షిబా అను 5 శాతం లాభపడింది. షిప్ దాదాపు 15 శాతం లాభపడింది. డోజీకాయిన్ 7.77 శాతం లాభపడి 0.263 వద్ద ట్రేడ్ అయింది. కార్డానో, రిప్పిల్, యూనీస్వాప్, లైట్ కాయిన్ మాత్రం వరుసగా నష్టపోయాయి.
బిట్ కాయిన్ 0.89 శాతం, బియాన్స్ కాయిన్ 4.81 శాతం, కార్డానో 0.45 శాతం, ఎక్స్పీఆర్0.15 శాతం, డోజీకాయిన్ 6.87 శాతం లాభపడ్డాయి. ఎథేరియం 0.59 శాతం, టెథేర్ 0.01 శాతం, సోలానా 0.72 శాతం, పోల్కాడాట్ 2.74 శాతం, యూఎస్డీ కాయిన్ 0.02 శాతం నష్టపోయాయి.