క్రిప్టో మార్కెట్ లాభాల్లోనే ఉంది, కానీ బిట్ కాయిన్ 30,000 డాలర్లకు దిగువనే

క్రిప్టో మార్కెట్ నేడు సానుకూలంగా కదలాడుతోంది. అయినప్పటికీ ఈ మార్కెట్ భారీ క్షీణతతోనే ఉంది. ప్రపంచ అతిపెద్ద క్రిప్టోలైన బిట్ కాయిన్ ఇప్పటికీ 30,000 డాలర్లకు దిగువన, రెండో అతిపెద్ద క్రిప్టో ఎథేరియం 1800 డాలర్లకు దిగువన ఉంది. క్రిప్టో మార్కెట్ ఇటీవల భారీగా పతనమైన విషయం తెలిసిందే. బిట్ కాయిన్ వంటి దిగ్గజం చాలాకాలంగా 30,000 డాలర్లకు కాస్త పైన, కింద కదలాడుతోంది.

వివిధ క్రిప్టో కరెన్సీ విషయానికి వస్తే బిట్ కాయిన్ 1.16 శాతం, ఎథేరియం 2.33 శాతం, బియాన్స్ కాయిన్ 0.70 శాతం, ఎక్స్‌ఆర్‌పీ 0.28 శాతం, సోలానా 3.81 శాతం, బియాన్స్ యూఎస్డీ 0.02 శాతం, క్రిప్టో డాట్ కామ్ 3.35 శాతం, కార్డానో 2.12 శాతం, స్టెల్లార్ 2.63 శాతం, పోల్కాడాట్ 2.09 శాతం, డోజీకాయిన్ 0.37 శాతం, షిబా ఇను 2.08 శాతం లాభపడ్డాయి. నేటి టాప్ గెయినర్స్ జాబితాలో ఔగుర్ 31 శాతం లాభపడింది. ఆ తర్వాత అవాలాంచె 13 శాతం పెరిగింది. టాప్ లూజర్స్‌లో టెర్రా యూఎస్డీ 36 శాతం, లూనా 32 శాతం నష్టపోయాయి.

టాప్ క్రిప్టో బిట్ కాయిన్ గత ఇరవై నాలుగు గంటల్లో 1.16 శాతం నష్టపోయి 29,107 డాలర్ల వద్ద కదలాడింది. గత ఇరవై నాలుగు గంటల్లో కనిష్టం 28,751 కాగా, 24 గంటల్లో గరిష్టం 29,219 డాలర్లు. బిట్ కాయిన్ మార్కెట్ క్యాప్ 554.55 బిలియన్ డాలర్లు పెరిగింది.