30,000 డాలర్లకు దిగువన బిట్ కాయిన్, ఈ క్రిప్టో 36 శాతం జంప్

క్రిప్టో మార్కెట్ నేడు దాదాపు స్థిరంగా ఉంది లేదా స్వల్ప నష్టాల్లో ట్రేడ్ అవుతోంది. అంతర్జాతీయ క్రిప్టో దిగ్గజం బిట్ కాయిన్ నేడు స్వల్పంగా క్షీణించినప్పటికీ రూ.30,000 డాలర్ల స్థాయిలోనే కదలాడుతోంది. బియాన్స్ యూఎస్డీ, వీ-చైన్ వంటి ఒకటి రెండు చిన్న క్రిప్టోలు మినహా అన్నీ నష్టాల్లోనే ఉన్నాయి. మీమ్ కాయిన్స్ డోజీ కాయిన్, షిబా ఇను 2.6 శాతం నుండి 2.8 శాతం మధ్య క్షీణించాయి.

ఈ వార్త రాసే సమయానికి బిట్ కాయిన్ 0.95 శాతం క్షీణించి 29,801 వద్ద ట్రేడ్ అయింది. గత ఇరవై నాలుగు గంటల్లో 30,417 డాలర్ల వద్ద గరిష్టాన్ని, 29,500 డాలర్ల వద్ద కనిష్టాన్ని తాకింది. బిట్ కాయిన్ మార్కెట్ క్యాపిటలైజేషన్ 564.82 బిలియన్ డాలర్లు పెరిగింది. బిట్ కాయిన్ 52 వారాల గరిష్టం 68,990 డాలర్లు కాగా, కనిష్టం 25,402 డాలర్లు. బిట్ కాయిన్ 2022 క్యాలెండర్ ఏడాదిలో ఇప్పటి వరకు 35 శాతం పతనమైంది.

వివిధ క్రిప్టో కరెన్సీ విషయానికి వస్తే బిట్ కాయిన్ 1.46 శాతం, ఎథేరియం 3.52 శాతం, ఎక్స్‌ఆర్‌పీ 1.25 శాతం, సోలానా 4.81 శాతం, కార్డానో 6.96 శాతం, క్రిప్టో డాట్ కామ్ 3.24 శాతం, స్టెల్లార్ 3.03 శాతం, డోజీకాయిన్ 3.18 శాతం, పోల్కాడాట్ 2.99 శాతం, అవాలాంచె 6.10 శాతం, షిబా ఇను 2.52 శాతం నష్టపోయాయి.
నేటి టాప్ గెయినర్స్ విషయానికి వస్తే పోల్కాస్టార్టర్ ఏకంగా 36 శాతానికి పైగా పెరిగింది. లూనా క్లాసిక్, బ్యాండ్ ప్రోటోకాల్ 10 శాతానికి పైగా లాభపడ్డాయి. టాప్ లూజర్స్ జాబితాలో రెన్ 9.14 శాతం, స్టోర్జ్ 8.22 శాతం, అల్‌గోరాండ్ 8 శాతం క్షీణించాయి.