Crypto price: బిట్ కాయిన్, ఎథేరియం, షిబా ఇను జంప్
క్రిప్టో కరెన్సీ నేడు కాస్త సానుకూలంగా కదలాడుతున్నప్పటికీ ఈ వారం ప్రారంభం నాటి ధరలతో పోలిస్తే తక్కువగానే కదలాడుతున్నాయి. ప్రపంచ అతిపెద్ద క్రిప్టో బిట్ కాయిన్ కీలకమైన 40,000 డాలర్ల దిగువన ఉండగా, రెండో అతిపెద్ద క్రిప్టో ఎథేరియం 3000 డాలర్లకు దిగువన ఉంది. అమెరికా ఫెడ్ వడ్డీ రేటు పెరుగుదల నేపథ్యంలో బిట్ కాయిన్, ఏథేరియం కాస్త పుంజుకున్నాయి.
బిట్ కాయిన్ 0.87 శాతం లాభపడి 39,262 డాలర్ల వద్ద, ఎథేరియం 2.02 శాతం లాభపడి 2914 డాలర్ల వద్ద, ఎక్స్ఆర్పీ 2.18 శాతం ఎగిసి 0.6306 డాలర్ల వద్ద, సోలానా 3.85 శాతం ఎగిసి 91.27 డాలర్ల వద్ద, క్రిప్టో డాట్ కామ్ 1.41 శాతం ఎగిసి 0.30 డాలర్ల వద్ద, కార్డానో 3.50 శాతం లాభపడి 0.853 డాలర్ల వద్ద, అవాలాంచె 5.88 శాతం ఎగిసి 64.72 డాలర్ల వద్ద, స్టెల్లార్ 4.30 శాతం లాభపడి 0.182 డాలర్ల వద్ద, పోల్కాడాట్ 4.05 శాతం ఎగిసి 15.88 డాలర్ల వద్ద ట్రేడ్ అయ్యాయి. మీమ్ కాయిన్స్ డోజీకాయిన్ 3.40 శాతం లాభపడి 0.135344 డాలర్ల, షిబా ఇను 2.41 శాతం ఎగిసి 0.000021 డాలర్ల వద్ద ట్రేడ్ అయ్యాయి.
నేటి టాప్ గెయినర్స్ జాబితాలో ఎథేరియం క్లాసిక్ 11 శాతం, యాక్సీ ఇన్ఫినిటీ 10.87 శాతం, లూప్రింగ్ 10.45 శాతం, వేవ్స్ 10.12 శాతం లాభపడ్డాయి. యూనిస్వాప్, జెడ్ క్యాష్, ఆల్కెమీ పే, గాలా, బిట్ కాయిన్ గోల్డ్, ఆవే, కాస్మోస్, ఆక్స్, టెజోస్ క్రిప్టోలు 8 శాతం నుండి 10 శాతం మధ్య లాభపడ్డాయి. టాప్ లూజర్స్ జాబితాలో కైబర్ నెట్ వర్క్ 1.69 శాతం, ఫెచ్ డాట్ ఏఐ 0.28 శాతం, టెర్రా 0.71 శాతం నష్టపోయాయి.