అమెరికా సహా అన్ని దేశాల్లో ఆల్ టైం హైకి స్టోరేజ్, చమురు ధరపై ప్రభావం

కరోనా మహమ్మారి కారణంగా డిమాండ్ తగ్గడంతో చమురు ధరలు తగ్గుతోన్న విషయం తెలిసిందే. ఆయా దేశాల స్టోరేజ్ గరిష్టానికి చేరుకోవడం కూడా ప్రభావం చూపుతోంది. ప్రపంచవ్యాప్తంగా అంతటా చమురు నిల్వలు పెరుగుతున్నాయని సంకేతాలు ధరలను మరింత దెబ్బతీశాయి. వైరస్ కారణంగా ఉత్పత్తి వేగంగా తగ్గిపోయింది. కానీ చమురు ఉత్పత్తి మాత్రం అలా తగ్గడం లేదు. ఉత్పత్తి తగ్గకపోవడం, దేశాల స్టోరేజీలు ఫుల్ అయిపోతున్నాయి.

యూఎస్ క్రూడ్ ఇన్వెంటరీస్ 518.6 మిలియన్ బ్యారెల్స్‌కు పెరగడంతో ఏప్రిల్ 17వ తేదీన యూఎస్ ఆయిల్ ఫ్యూచర్ భారీ నష్టాలను చవిచూసింది. 2017 ఆల్ టైమ్ రికార్డ్ 535 మిలియన్ బ్యారెల్స్‌కు దగ్గరలో ఉంది. ఫ్లోటింగ్ క్రూడ్ ఆయిల్ స్టోరేజ్ 160 మిలియన్ బ్యారెళ్లతో ఆల్ టైమ్ గరిష్టానికి చేరుకుంది.

యూఎస్ వెస్ట్ టెక్సాస్ ఇంటర్మీడియేట్ ఫ్యూచర్స్ బ్యారెల్‌కు 1.22 డాలర్లు లేదా 7.2 శాతం నష్టపోయి 15.72 డాలర్లకు, చేరింది. బ్రెండ్ క్రూడ్ 33 సెంట్లు లేదా 1.5 శాతం తగ్గి 21.11 డాలర్లకు చేరుకుంది. చమురు ధరలు వరుసగా మూడో వారం కూడా నష్టపోతున్నాయి. ఓ వైపు స్టోరేజ్ పెరగడం, మరోవైపు బలహీనమైన డిమాండ్ కారణంగా చమురు ధరలు భారీగా పడిపోతున్నాయని ఏఎన్‌జెడ్ అనలిస్ట్స్ చెబుతున్నారు.